Serrgêra PYD’yî Almanya û Awusturya de ameye pîrozkerdene
Serrgêra 16’ine ya PYD’yî bajarê Stuttgartî yê Almanya û bajarê Grazî yê Awusturya de bi aktîvîteyan ameye pîrozkerdene.
Serrgêra 16’ine ya PYD’yî bajarê Stuttgartî yê Almanya û bajarê Grazî yê Awusturya de bi aktîvîteyan ameye pîrozkerdene.
Ewropa de aktîvîteyê pîrozkerdişî yê serrgêra 16’ine ya Partîya Yewîya Demokratîke (PYD) dewam kenê. Vizêr zî Grazê Awusturya û Ştuttgartê Almanya de ronayîşê PYD’yî ame pîrozkerdene.
Aktîvîteya Stûttgartî de temsîlkara PYD’yî ya Ewropa Zozan Rojava qisey kerd. Rojava bale ante serê hêrişanê dewleta Tirî yê vara Kurdan ser û va: ‘‘Hetêk ra vera Rojawan û Başûrê Kuridstanî hêrişê îşxalî estî hetê bînî ra şaredarîyê Kurdan ameyî xespkerdene. La wa Erdogan û heme dinya bizanê ke Kurdi do verê hêrişan de çok medê û bi xoverdayîş ser bikewê.‘‘ Aktîvîteya ke bi pêramotişê sînevîzyonî dewam kerde, bi deyîranê Grûp Mîr, Zinar Rojava, Xelîl Xemgîn û Hozan Sîmarî qedeyaye.
Bajarê Grazî yê Awusturya de zî bi heman waştişî aktîvîteyêk ameye viraştene. Qiseykerdian de ame vatene ke Kurdî Şorişê Rojawanî rê rayberîye kenê û ganî nê xoverdayîşî bêro wayîrvejîyayene. Pîrozkerdiş bi goştarîkerdişê muzîkî qedîya.