Serkêşîya TJK-E û KCDK-E bajarê Strasbourgî yê Fransa de bi şîarê ''vara îşxal û qirkerdişî her ca Avaşîn, Zap û Metîna yê. Dem demê azadîye yo'' çalakîya roniştişî ya ke 12ê gulane dîyaye destpêkerdene hewteyê ci yo verêne vizêr qedîya.

Çalakaya roniştişî hewteyo verêne de grûba ke sîyasetmedarê HDP û DBPyî zî tede bî rayra berde. Çalakîya ke do çar hewteyî bi grûbanê 30 kesan bêro domnayene, peynîya hewteyê de mabên dana ci. Roja dişemeyî do endamê Federasyonê FCK-BW-BTyî ke rêxistina serbanî ya kudanê eyaletanê Baden-Wurttemberg û Bayernî ya do nobete dewr bigîrê.

Çalakîya ke 78 sazgehê Kurdîstan û Tirkîya paştî danê ci semedê protestokerdişê tecrîdê serê Rayberê Şarê Kurdî Abdullah Ocalanî û hêrişê îşxalî yê vera Herêmanê Pawitişî yê Medya yena kerdene. Çarçewa çalakîya de derheqê felsefeya Abdullah Ocalanî û Têgêrayîşê Azadîye yê Kurdîstanî û rojdemî de aktîvîteyê cîya cîyayî yenê kerdene. Reyna şehîdê menga gulane zî ameyî yadkerdene.