Hêrişê îşxalkarîye ya dewleta Tirkî çar bajaranê Swêdî de ameyî protestokerdene. Çalakîyan de alayê PKK û YPG/YPJ’yî ameyî kiriştene û ame vatene ke ê do destûrê hêrişan medê.

Stockholm de Kurdistanijî û dostê înan ê ke Meydanê Norra Bantorgetî de ameyî têhet  hêrişê dewleta Tirkî yê vera Başûr û Rojawanê Kurdistanî protesto kerdî. Çalakîya  ke hetê Meclîsê Cinîyan ê Amara, Komîteya Rojawanî û Merkezê Cimatê Demokratîkî yê Stockholmî ra ameye viraştene sîyasetkarê partîyanê sîyasîyanû temsîlkarê rêxistinanê cimatî yê sivîlî tewrê ci bîyî. Qiseykerdişan bale ameye antene serê serkewtişê hêzanê Kurdan ê vera çeteyanê DAÎŞ’î û veng dîya hukmatê Swêdî ke wa vera hêrişanê vera Kurdistanî bêveng memano. Reyna ame waştene ke qedexeyê PKK’yî bêro wedartene û Rayberê Şarê Kurdî Abdullah Ocalan serbest bêro veradayene.

Bajaranê Orebro, Goteborg û Malmo de zî bi heman waştişî çalakîyî ameyî viraştene. Çalakîyan de hêrişê dewleta Tirkî yê vera Başûr Rojawanê Kurdistanî ameyî protestokerdene. Çalakgeran vegn da hukmatê Swêdî û welatanê Ewropa ke wa vera nê hêrişan tewirê xo ramojnê û vernîya hêrişan bigêrê.