Swîsre û Fransa de hêrişê îşxalî yê vera warê Zînî Wertê yê Başûrê Kurdîstanî û tecrîdê serê Rayberê Şarê Kurdî Abdullah Ocalanî bi çalakîyan ameyî şermezarkerdene.

Bajarê Zurîhî yê Swîsre de hetê Meclîsê Cinîyan ê Berîtane ra çalakîyêke ameye organîzekerdene. Çalakîyê de hêrişê dewleta tirke yê vera Başûrê Kurdîstanî ameyî şermezarkerdene. Reyna Basel de zî bi eynî waştişî Meclîsê Cinîyan ê Ronahî çalakîyêke viraşte.

Paytexê Fransa Parîs de zî temsîlkarîya PDKyî rê pankartêke ame aliqanyene û paştdayîşê înan ê dewletata tirke ke kurdan qirkena ame protestokerdene. Hetê bînî ra bajarê Marsîlya de zî ciwanan ê kurdan hîrê nuqtayanê cîyayan de çalakîyî viraştî. Ciwanan bi pankaran azadîya Ocalanî û heme tepişteyanê sîyayan waşt û hêrişê vera Kurdîstanî şermezar kerd.