Tedayê Heilbronn û Eslingenî Stuttgart de ameyî protestokerdene

Sereştişê ke şaristananê Heilbronn û Eslingenî de ameyî kerdene û tepişîyayîşê Abdullah Ocalan û hunermend Mazlûm Dorayî Stuttgart de pê çalakîyêke ameyî protestokerdene.

Şaristananê Heilbronn û Eslingenî yê Almanya de vizêr serê sibayî sereştişî ameyî kerdene û sîyasetmedaro kurd Abdullah Ocalan û hunermend Mazlûm Dora sereştişan de tepişîyayî.

Sereştiş û tepiştişî Stuttgart de pê çalakîyêke ameyî protestokerdene. Çalakîye de sloganê 'Sîyasetmedaranê tepişteyan rê azadîye' ame vatene.

Hemserekê FCKyî Saît Ozturkî çalakîye de qisey kerd û venga hukmatê Almanya da ke wa hînî kurdan krîmînalîze nêkero. Ozturkî vat: ''Ma nê tedayan şinasnenê û qetî apey gamêke nêerzê.''