‘Tûncelî nameyê qirkerdişê Dêrsimî yo’

Endamanê Meclîsê Şaredarîya Dêrsimî da zanayene ke şar wazeno ke tabelaya Tûncelî bibo Dêrsim û ê do bi şarî tabeleya Dêrsimî bialiqnê.

Meclîsê Şaredarîya Dêrsimî qerar girewt ke tabeleya şarêdarîya ke hetê qeyûmî ra ameya bedilnayene ê do reyna sey verî Dêrsim bikerê. No qerar bi sebebê raksîyonanê faşîstan. Endamanê meclîsî ke Ajansê Xeberan ê Mezopotamya (MA) rê qerar ercna ard ziwan ke ê goş reaksîyonan nêdanê û do bi şarê xo pîya tabeleya Dêrsimî bialiqnê.

‘Ma do Tabelaya Dêrsimî bi Şarî Pîya Bialiqnê’

Endama Meclîsê Şaredarîye ya HDP’yî Nurgul Yalaye ard ziwan ke nameyê Dêrsimî tarîx û kulturê înan  o û va: ‘’ Şar wazeno ke Dêrsim bo. Xora wextê şaredarîya DBP’yî de zî wina bi. Înan Maçoglu ra no nê pawetêne coka hendî reaksiyon danê. Ê ke reaksiyon dane wa hol bizanê ke na tebela do bêro aliqnayene. Ma do bi şarê xo pîya tabeleya Dêrsimî bialiqnê. Dêrsim ê ma yo.’’

‘Dêrsim Waştişê Şarî yo’

Endamê Meclîsê Şaredarîye yê HDP’yî  Ozcan Ateşo ke binê qerarî de morê ci esto û bi qerarê Qerarnameyê Hukmê Qanûnî  mazbataya ci destê ci ra ameye girewtene vist vîrî ke wextê DBP’yî de bi mucadelekerdişî nameyê Dêrsimî ameyo dayene û va: ’’Tûncelî nameyê qirkerdişê Dêrsimî yo. Ê ke vera Dêrsimî vejîyene wazenê ke ma tim û tim qirkerdişî biciwîyê. Nameyê tûncelî qet yew wext hetê şarê Dêrsimî ra nameyo qebûlkerdene. Dêrsim waştişê şarî yo. Dêrsim tarîx, îtîqat û kuturê ma temsil keno. Ganî Maçoglu vera reaksîyonan peyser game mererze û biqerar bo. Ganî sozo ke dîyayo şarî bêro bicaardene. Ma do tebelaya Dêrsimî bialiqnê.’’

‘Sozê ke Dîyayî Şarî Ganî Bêrê Bicaardene’

Endamê Meclîsê Şaredarîye ya  Partîya Komînîstî (TPK) Damla Cinare ard ziwan ke înan wextê weçînitişî de soz dayo şarî ke ê do Tûncelî bikerê û Dêrsim û vat ke eke nika ma sozê xo mîyarê ca, ma benê zûrker. No waştişê şarî yo û ganî bêro bicaardene.