Vakkas Korkmaz Londra de ame vîrardene
Vakkas Korkmazo (Rizgar Adiyaman) ke dewa Til Hefyan ê bajarekê Til Temîrî yê Rojawanê Kurdistanî de şehîd bi, Londra de ame vîrardene.
Vakkas Korkmazo (Rizgar Adiyaman) ke dewa Til Hefyan ê bajarekê Til Temîrî yê Rojawanê Kurdistanî de şehîd bi, Londra de ame vîrardene.
Vakkas Korkmazo ke Nîsan a serra 2015‘î de şerê hemverê çeteyanê DAÎŞ’î de şehîd bi paytextê Îngilistanî Londra de, Merkezê Cimatê Demokratîkî yê Kurdan de ame vîrardene. Pî û maya Korkmazî û xeylî Kurdistanijî kombîyayîşê vîrardişî amade bî.
Dimayê deqeyêka rêzgirewtişê seba vîrameyîşê şehîdan sînevîzyonêkê fotografanê Korkmazî ame ramotene.
Hemserekê Meclîsê Şarê Kurdî Mehmet Kardû, endamê meclîsê Alî Poyraz û xoverdayoxê grevê vêşanîye Îmam Şîşî vîrardiş de qisey kerd. Qiseykerdoxan seba wayîrvejîyayîşê mîrasê şehîdan û pîlkerdişê mucadeleyî veng da.
Vîrardiş de mektûba Komîteya Keyeyanê Şehîdan ê Rojawanî hetê xoverdayoxê grevê vêşanîye Mehmet Saît Yilmazî ra amî wendene. Peynîya aktîvîte de temsîlkaranê PYD’yî yê Îngilistanî sertîfîkaya şehadetî ya Korkmazî teslîmê maye û pîyê ê kerde.