Konfederasyonê Komelanê Kurdîstanijan ê Almanya (KON-MED) pê eşkerayîyêke venga pêro kurdîstanijan û dostanê înan da ke vera hêrişanê îşxalî yê dewleta tirke vejîyê meydanan.

KON-MED: Ma venga şarê xo danê ke vera hêrişê topyekûnî yê îşxalî yê dewleta tirke vejîyo meydanan. Artêşa tirke ya îşxalkere şewe ra nata Herêmanê Pawitişî yê Medya, koyanê Kurdîstanî, waranê Avaşîn, Metîna û Zapî dana bombayan ver. Mabênê gerîla û îşxalkeran de pêkewtişî dewam kenê. Ma venga pêro meclîsanê xo, şar û dostanê xo danê ke vera artêşa tirke ya îşxalkere û PDKyê bêbext û hemkarî ewro vejîyê meydanan û her ca de hêrişanê îşxalî protesto bikerê.

KCDK-E: Artêşa tirke ya îşxalkere Qela Bêdewê, Şehît Munzur, Dola Nêrwe û Kinyanişî yê Zapî dana bombayan ver. Ma sey KCDK-E venga şarê xo danê ke vera nê hêrişanê îşxalî her ca de vejîyo meydanan, erdê xo bipawo.''