Kurd û dostanê înan ê Brîtanya Parlamentoya Brîtanya ra bi seyan mektûbî erşawitî û vera qirkerdişanê dewleta tirke waşt ke 'Tirkîya rê ambargoyê çekan bêro kerdene' û vera ci tewirêko xurt bêro mojnayene.
Meclîsê Şarê Kurdî vera xîretê îşxalî yê dewleta tirke yê serê Başûrê Kurdîstanî û serê polîtîkayanê ci yê kurdan Hukmat û Parlamentoya Brîtanya, 109 parlamenteran rê mektubêke erşawite.
Mektube de ame vîrvistene ke Tirkîya armenan ra dima nika zî kurdan qir kena, Başûr îşxal kena. Mektube de ame vîrvistene ke dewleta tirke vera kurdan sûcê şerî kena û hukmat-Parlamentoya Brîtanya ra ame waştene ke Tirkîya rê ambargoyê çekan bikerê û vera ci tewirêkê xurtî bigêrê.
Xeylêk wekîlan cewabê pozîtîfî dayî mektube û vat ke ê do babete berê rojdemê Parlamento.
Kesê ke wazenê tewrê kampanyaya mektube bibê adresê mektube wina yo:
