Wextê ci yo: Abdullah Ocalanî rê azadîye

Xeylêk welatanê Ewropa de kurdîstanijan pê çalakîyan tecrîdê serê Raryberê Şarê Kurdî Abdullah Ocalanî şermezar kerd û azadîye ci waşte.

Vera tecrîdê Îmraliyî heme heme her roje kurdîstanijî çalakîyan organîze kenê. Vizêr reyna xeylêk welatanê Ewropa de kurdî û dostê înan semedê azadîya Rayberê Şarê Kurdî Abdullah Ocalanî meydanan de bî.

Bajarê Hamburgî yê Almanya de ciwanan çalakîyêke kerde û mesajê ''Ma do çirey cuyeyêka bê Rayberîye qebul nêkerê'' da. Ciwanan vat ê do çirey tecrîdî qebul nêkerê û pê îdeolojîya Ocalanî mucadele rê dewam bikerê.

Bajarê Stuttgartî yê Almanya de zî aktîvîstanê TekoJin çarçewa Hemleya ''Ma vanê Nê!'' de çalakîyêke kerde. Çalakîya ke bi şîare ma ''Sîstemê Îmraliyî rê vanê nê'' ameye kerdene de bale ameye ser antene ke wext wextê azadîya fîzîkîye ya Abdullah Ocalanî yo.

Bajarê Zurîhî yê Swîsre de zî aktîvîstanê TCŞyî bi çalakîyêke tecrîd şermezar kerd û azadîya Abdullah Ocalanî waşte.

Bajarê Limassolî yê Qibris de zî kurdîstanijî vizêr reyna vejîyayî kuçeyan  azadîya Abdullah Ocalanî waşte.