YPG: Ma do destkewteyanê şorişî bipawê

Fermandarîya Pêroyî ya YPGyî bi wesîleya serrgêra îşxalê Efrînî eşkerayîyêke daye û vat ma do xoverdayîş girdêr bikerê û destkewteyanê şorişî bipawê.

Fermandarîya Pêroyî ya Yewîya Pawitişê Şarî (YPG) bi wesîleya serrgêra îşxalê Efrînî eşkerayîyêke daye û vat ma do xoverdayîş girdêr bikerê û destkewteyanê şorişî bipawê.

Hîrayîya eşkerîye de nê ameyî parekerdene: '' şxalê dewleta tirke û çeteyanê ci yê vera Efrînî di serrî yo dewam keno. Herême de her hetî ra caardişê teberê merdimîye yenê kerdene û demografîyê ci yeno bedilnayene. Îşxalo ke bi Efrînî dest pêkerde  bi Serêkanîyê  Girê Sipî dewam keno. Dewleta tirke vera şaranê Rojawanî qirkerdişan de sînor nas nêkena.

Dewleta îşxalkere heme hêzê xo şuxulnena ke hêrişê xo sey çîyêkê meşrû ramojno.  Îşxalkerî wezanê ke sîstemê demokratîkî yê şaranê Rojawanî birijnê. Coka her roje hêrişanê îşxalî zêdêr kenê. Bi îşxalê Serêkanîyê û Girê Sipî faşîzmê xo herême ra vila kenê. Herra Efrînî de her roje qirkerdişo etnîkî yeno kerdene û heqê şarî yenê binpaykerdene.

Seba ke dinya vera îşxalê dewleta tirke bêvneg mend ê zî xo heqdar vînenê û çend şino îşxalê xo hîra kenê. Ma sey YPG û YPJyî vera îşxalkeran do çirey bêveng nêmanê. Semedê azadkerdişê Efrîn û şarê xo ma do xoverdayîşo xurt bidê. Vera dewleta tirk a ke hêrişê xo yê îşxalî zêdînayî  ma do têkoşînê xo girdêr bikerê û destkewteyanê şorişî bipawê. Ma reyna şehîdanê Têkoşînê Dewrî bi hurmet yad kenê û sozê xo yê azadkerdişê Efrînî newe kenê. Ma do her warî de xoverdayîşê xo bidomnê ke şarê ma agêro herra xo ya bimbareke.''