Zanîngehê Bielefeldî de pêramotişê fotografanê Rojawanî

Hetê YXK û JXKyî ra Zanîngehê Bielefeldî yê Almanya de seba  bale bêro antene îşxalê dewleta tirke yê vera Rojawanî ser, pêramotişêkê fotografan ame akerdene.

Endamanê Yewîya Wendekaranê Kurdîstanî (YXK) û Cinîyan ê Wendekaranê Kurdîstanî (JXK) Zanîngehê Bielefeldî de seba ke bale biancê îşxalê dewleta tirke û cerganê aye yê vera Rojawanî ser, pêramotişê fotografan akerd.

Pêramotiş de bale ameye antene hemkarîya dewletanê dinya û Ewropa ya bi hêrişanê qirkerdişan û îşxalî yê ke 9ê teşrîna verêne ra nata dewam kenê ser, bi taybetî bale ameye antene çekanê dewleta almanî û hacetê leşkerî yê ke hetkarî kenê dewleta tirke ya îşxalkere ser. Reyna fotografê çalakîyanê paştdayîşê Rojawanî yê dinya zî ameyî mojnayene. Fotografê hemkarîya dewleta tirke ya bi komanê cîhadîstan û fotografê Xoverdayîşê Rûmetî yê Rojawanî zî pêramotiş de ameyî cadayene.