Bajarê Zurihî yê Swîsre de hêrişê dewleta tirke ya îşxalkere yê vera Kampa Multecîyan a Şehîd Rustetî ya Mexmûrî ya ke binê kontrolê Neteweyanê Yewbîyayeyan (NY) de ya, bi çalakîyêke ameyî şermezarkerdene.

Çarçewa Hemleya Vera îşxal û qirkerdişî her ca Avaşîn, Zap û Metîna yê! Dem demê azadîye yo! de Merkezê Komelê  Demokratîkî yê Kurdan bi vengdayîşê lezabezî çalakîyêke organîze kerde.

Çalakîya ke kurdî, dostê înan û dormeyê demokratîkî tewrê ci bîyî de xoverdayîşê gerîlayan ê vera qirkerdişî ame selamkerdene. Çalakîye de Hemserekê Merkezê Komelê  Demokratîkî yê Kurdan Alî Şîmşekî qisey kerd. Şîmşekî vist vîrî ke hêrişê vera Kampa Mexmûrî pê paştdayîşê PDKyî yenê kerdene û vat: ''Rixmo ke kampe binê kontrolê NY de ya welatê Ewropa vera hêrişî bêveng ê. La ma vera nê hêrişanê qirkerdişî do çirey bêveng memanê. Ma ganî her ca biaçarnê mewzîya xoverdayîşî.''