Endamê Jonseya Rayberdişî ya KCKyî Mustafa Karasuyî ANFyî reyde qisey kerd û bale ante hêrişanê vera HDPyî ser.
Qiseykerdişê Karasuyî ra beşêk wina yo:

''Sebebo verên ê hêrişanê vera HDPyî bername, xeta sîyasî û têkoşînê ci yo. Nê hêrişî hêrişê vera Têkoşînê Azadîye yê Kurdan ra Kurdan ra cîya nîyê. HDP vano ke kurdî estê. HDP wazeno bi hawayêkê demokratîjî meseleya kurdan, meseleyanê Tirkîya çareser bikero. Coka beno hedef. HDPyî polîtîka û stratejîya xo viste merkezê sîyasetê Tirkîya. Çend dişmenîya kurdan, hêzanê demokrasîyî, dişmenîya kurdan bikerê zî do nêeşkê netîce bigêrê.

AKP-MHP tim dişmenîya kurdan kenê. Nika zi hêrişê HDPyî kenê. Pê rayîrê nê hêrişan wazenê HDP xeta îdeolojîj-polîtîke ra dûrî bivisnê, verê polîtîkaya qirkerdişê kurdan de astengîye mevcerdê. Hêzê demokrasîyî, şorişgêrî û kurdî paştî danê HDP. Îqtîdar wazeno ke nê têkoşînê hemparî çin bikero.

Qirkerdiş hêverî pê qirkerdişê sîyasîyî dest pê keno. Verê cû darbe kerdêne nika zî erzenê zîndanan. Dinya de tewr zat tepişteyê kurdî estê. Asta rekore de zîndananê Tirkîya de tepişteyî estê. Îqtîdar pê tepiştişan xîret keno ke pratîk de HDP biqefilno.

Kurdîstan de şerêko taybet, şerêko psîkolojîk yeno kerdene. AKPyî no şer kerd pîlêr. Semedo ke Erdogan kurdan qir keno dewleta xorine paştî dana ci. Vera HDP zî şerêko taybet yeno kerdene. Karê na dewlete yo ke vera kurdan û hêzanê demokrasîyî şerê taybetî bikera.

HDP hetê pêro hezanê demokratîkan û îdeolojîyan ra yeno teqîbkerdene. Rayîr û metodê têkoşînê înan bira înan a. Ma têna pê bawer ê ke ê wayîrê xetêka sîyasî ya raştikêne yê. Heta ke xeta winasêne sîyasetê Tirkîya de bitesîr nêba ne meseleya kurdan ne zî meseleyê bînî yê Tirkîya çareser benê. Coka estbîyayîşê na xete seba pêro Rojhelatê Mîyanênî û Tirkîya erjîyaye ya.

Rayraşîyayîşê HDPyî de ame dîyene ke HDP nêeşkîyeno bêro tecrîdkerdene. Pêro beşanê komelî paştî daye nê rayraşîyayîşî. HDPyî pê meşrûtîya xo û hêzê xo yê sîyasîyî rayîrî ra şi.Îqtîdar qels bîyo. Labelê hêzê domekrasîyî kom nêbîyêne û înan têkoşînêko hempar nêkerdêne. Coka estbîyayîşê HDPyî girîng o.

Kurdî hêzê tewr dînamîkî yê Tirkîya yê. Her kes naye qebul keno.Nîşaneyo tewr pîl ê naye zî HDP yo. Kurdî hol zanenê ke cuya azad û demokratîke pê îtîfaqê demokrasîyî beno.

Têkoşînê vera faşîzmî bêbedel nîyo. Faşîzm her ca de wazeno bi ters îdare bikero. Eke hêzê demokrasîyî bêters şorê serê faşîzmî, hîn faşîzm do çin bibo.''