Şarê Başûrî: Ma do îşxalkeran erdê xo ra vejê!

Şarê Başûrê Kurdîstanî pare kerd ke ê nêwazenê dewleta tirke ya îşxalkere erdê înan ser o bimanê û vat: ''Bêrê ma îşxalkeran erdê xo ra vejê.''

Hemwelatîyê Başûrê Kurdîstanî yê bi nameyê A.O.yî da zanayene ke şarê Başûrê Kurdîstanî nêwazeno îşxalkeranê tirkan erdê înan ser o bimanê.

A.O.yî vat: ''Tirkî nêbenê birayê kurdan. Her kes zaneno ke tirkî senî zulmê kurdan kenê. Nika dewanê Pîrbûla, Nizor, Ewlehe û Kesan de îşxalkerê tirkî estê. Çi karê înan erdê ma de esto? La qey qet kurdan erdê çewî îşxal kerdo?Pêro kurdî seyci yê. Kurdî wayûbirayê yewbînan ê. Wa çew nêvajo ke Tirkîya seba PKKyî yeno Başûr. La Seyîd Riza, Şêx Seîd PKKyî ra bîyî? Kesê ke Zaxo û Dihok bi zorî girewtî PKKyî ra bîyî? Wa çew pê nînan mexapîyo. Ma do mil bi mil bidê û îşxalkeran erdê xo ra vejê.''