Cenevre: Heta azadkerdişê Rayber Apoyî ma kuçeyan de yê

Verê Ofîsê Neteweyê Yewbîyayeyî yê Bajarê Cenevre yê Swîsre de semedê balantişê serê grevê vêşanîye yo ke vera tecrîdî yeno kerdene, çalakîya roniştişî ke ameybî destpêkerdene, roja hîrêne de dewam kerde.

Bajarê Cenevre yê Swîsre de verê Ofîsê Neteweyê Yewbîyayeyî (NY) de balantişê serê grevê vêşanîye yo ke vera tecrîdî yeno kerdene, çalakîya roniştişî ameye destpêkerdene. Çalakîye roja hîrêne de dewam kerde.

Çalakîya ke verî sey hewte de hîrê rojan dest pêkerde do hewteyê verê ma de sey bêdem-bêdorî bêro dewam kerdene.

Sîyasetmedaro kurd Metîn Mîntaşî derheqê xoverdayîşo ke çarçewa Hemleya 'Tecrîd, Faşîzm û Îşxalî rê Bes o, Wext Wextê Azadîye yo' de yeno rayraberdene de ANFyî rê qisey kerd. Metîntaşî vat: ''Ma tîya rixmê serd sipir û şertanê zehmetan ê Korona xeyma xoverdayîşî na ro ke ma waştişê tepişteyan biresnê rayapêroyîya mîyanneteweyî. Pê tecrîdî yeno waştene ke xoverdayîşê şarê kurdî bêro şiktene la ma do xoverdayîşî xurt bikerê û tecrîdî wedarê. Dewlete goş pandemîya nêkewena, pê topan, tanqan  û teyarayanê şerî hêrişê şarê ma kena. Ganî şarê ma zî rixmê pandemî vejîyo meydana û xoverdayîşî pîlêr bikero.Heta azadkerdişê Rayber Apoyî ma do kuçeyan de bê ''

Çalakîye de vilawekê fransizkî ameyî wendene û pê sloganan xoverdayîşê zîndanan ame selamkerdene. Reyna çarçewa Kampanyaya '100 Sebebê Seba Hukmkerdişê Dîktatorî' zî îmzayî ameyî arêdayene. Çalakîye do 1ê sibate de reyna verê Neteweyê Yewbîyayeyî de bêro dewam bikero.