Herikîyayîşê Avaşînî: Dilpake Faraşîn

Dilpake hînî hem gerîlayêka Zagrosî bîye hem zî doktorêka şerî bîye ke cuya embazanê xo xelisnayêne.

Embaza ci ya têkoşînî Eyleme Ronî hîkayeya cuya Dilpake Faraşîn (Dîlane Aslan) nuşte.

Gerîla Eyleme wina nuşt:

''Dilpake Faraşîn yan zî Dîlane Aslan serra 1992î de qezaya Elkê de dadîya xo ra bîya. Embaze Evîne hema ke ciwan bîye têgêrayîş şinasnena. Aye de tim hesreta koyan estbî. Embaze Dilpake serra 2012î de tewra gerîlayanê azadîye bîye.

A verî Metîna de perwerde vînena. Dima ke embaze Dilpake perwerdeyê weşîye vînena sey doktorêke derbaza eyaletê Avaşînî bena. Dilpake hînî hem gerîlayêka Zagrosî bîye hem zî doktorêka şerî bîye ke cuya embazanê xo xelisnayêne. Dilpake ge bîye Dîcleya arame, ge bîye Muznurê xidarî ge zî bîye Avaşîna zore.''

Birayê Dilpake Mehmet Dilpak waya xo ra dima tewrê gerîlayan beno. Dilpak û Mehmet wextêk pîya waranê azadan de têkoşîn kenê. Mehmetî nuşteyanê xo de waya xo ser o nê çîyî nuştî: ''Domanîya ma ya ke mîyanê vilikanê Feraşînî de derbaz bîye qet mi vîr a nêşina. Ti seba mi domanîya ma ra nata waye, embaze û rayber a. Waya mi rayîrê raştîye yê Serekîye de şîyêne. A wayîrê keda dadîya vejîyaye. A gêraye cewabê persê 'Ez kam a?' ''

Gerîla Dilpake hezîrana 2017î de şerê vera îşxalkeran de bi çêrî şerd kerd û şehîd bîye.