HPG: Embaze Sara û Rûkene sembolê azadîye yê

HPG: Embaze Sara û Rûkene vat 'cinîye, cuye, azadîye' û bi nê hawayî mîyanê mergî de cuye aferna, bîyê ardişê cuya azade, bîyê berardoxê terzê bêmergîye û homayê ma yê azadî.

Merkezê Îrtîbatî û Çapemenîye yê HPGyî di cinîyê çalakîkerê ke vera bînaya polîsan a Mersînî çalakîya fedayîye kerdbî, bi eşkerayîyêke yad kerdî.

Eşkerayîye wina ya:

''Embazanê ma Sara Goyî û Rûkene Zelal pê terz û taktîkêko ke hukmatê AKP-MHPyî qetî tira fam nêkerd, 26ê êlule de şewe, vera bînaya polîsan a Mezîtlî ya Mersînî çalakîyêke kerde û dewleta kolonyalîste şoq kerde. Ê pê tebancayan şîyî heta verê fekê dişmenî. Verî ke polîsê nîzamîye bieşkê çîyêkî bikerê înan cade da piro û dima bi lezî pê çekan hêzanê dişmenî de pêkewtî. Embazanê ma çarçewa planê xo yê çalakîye de teqaberê serê xo teqnayî û çalakîya xo ya fedayîye viste leweyî.

Embazanê ma çalakîya xo heta peynî goreyê planî bêkêmasî û afernayoxî kerde. Ê sey gerîlayanê tîma otonome goreyê planî têgêrayî, analîzî raşt kerdî û çalakîya xo bi serkewtişî qedînaye.

Tesbîrê hedefî bi baldarî û hişmendî ame kerdene. Embazanê ma polîsê bi erkê taybetî kerdî hedef. Na çalakîye dişmenî rê zerarê pîlî dayî, şahîdanê serebûtî na raştîye eşkera kerde. La Wezîrê Karanê Sûcî yê hukmatê şerê taybetî sey her wextî vînîbîyayîşî nimnayî. Her çiqas dişmenî lezî ra kerd ke serê netîceyanê çalakîye bigêro eşkera bi ke netîceyê nê çalakîyî senîn bîyê.

Fermandaranê ma yê fedayîyan terzê gerîlatîya Apogîran o newe metropolan de vist dewre. Rejîmê AKP-MHPyî îdîa keno ke pê 'teknolojî û îstîxbaratê xo yê milîyî' gerîlayî qedînayê. Rejîmê AKP-MHPyî zî hînî pê zûra xo bawer keno û vano 'ma nêverdenê ke guleyêk zî dekewo şaristanan, ma PKK qedînayo'. Bi nê hawayî zî propaganda keno. Dişmen her roje koyan de pê çekanê kîmyewîyan û bombayanê nukleran hêrişê gerîlayan keno, xayîn û hemkaranê xo visneno dewre û bi konseptê îmha keno ke netîce bigêro. Nê di embazê ma nê prosesî de pê wesayîtan û çekan dekewtî warê dişmenî, çalakîye kerde û mojna ke PKK nêno binvistene, astengî nêşinasneno. Embazanê ma çêrî, qewet, qerardarî û bawerîya PKKyî temsîl kerd û çalakîya xo bi serkewtişî qedînaye.

No terz, marîfetê pirodayîşî, zekaya taktîkî, marîfet, qetîtîye û terzê serfîrazîye senî vejîyayî werte?

Embaze Saran qezaya Qilebanî ya Şirnexî de sey ferdêka eşîra Goyî dadîya xo ra bena. Embaze Sara 2009 de tewra gerîlayan bena, 2010 de zî mîyanê Hêzanê Taybetan de ca gêna. Embaze Sara sey gerîlayêka YJA-Starî perwerdeyê xo bi cidîyet, serkewtiş û xîretî qedînena û tim seba çalakîyêka fedayîye xo pêşnîyaz kena. Peynî de muracatê ci yê seba Taburê Bêmergan qebul beno û a tîya de zî perwerde gêna. Embaze Sara zaf binê tesîrê operasyonê îşxalî yê vera Sîyanê yê Garê de manena. Xoverdayîşê embazanê ma yê Sîyanê tesîrê aye keno û a seba qesasê înan sond wanena. Embaze Sara herçiqas cade vazdaye şîye Siyanê nêeşkaye biresa embaz Şoreş Beytuşşebab û embazanê xo yê bînan. O çax a zî binê tesîrê gazanê jehrînan de manena û hêrsê ci yê vera dişmenî zêdîyeno. Naye ser o a reyna seba çalakîyêka fedayîye pêşnîyazan keno.

Embaze Sara hînî kena ke yew tîma gerîlatîya şaristanî awan bikera. Bi nê hawayî a bi sereyê xo tîma xo awan kena, rêxistin kena, taktîk û terzî nana ro. A vana ke wa rêxistine qerar bida ke kame hetê aye de cabigêra. Naye ser o partîya ma bire dana ke Rûkene Zelal û Sara Goyî biba tîma çalakîya fedayîye. Nê wird gerîlayê ke yewbînî nêşinasnayêne seba armancêkê hemparî û qesasî yenê yewca.

 

Embaze Rûkene Zelal Rojawanê Kurdîstanî de dadîya xo ra bena û Qamişlo de bena pîl. A verî Şorişê Rojawanî de cagêna dima zî 2014 de verê xo dana koyan. A waştişê xo ser o tewra Hêzanê Taybetan bena. Embaze Rûkene perwerdeyanê xo bi serkewtişî qedînena û her war de erkanê xo ana ca. Operasyonê îşxalî yê vera Sîyanê ra dima a zî pêşnîyazê çalakîyêka fedayîye kena. O çax a embaze Sara şinasnena û seba çalakîyêka fedayîye amadekarîya xo ya raywanîye kenê.

Embaze Sara sey fermandarêka tîme hîna zaf mesuldarîye gêna xo ser. A her çî embaze Rûkene de pare kena. Embaze Rûkena ke hema ciwan bîye embaze Sara sey mamostaya xo qebul kena û tim goş dana aye ser. Embaze Saran herçiqas zereyê ci zaf pê bivêşo zî baranê giranan kena milê Rûkene û aye kendalan ra bena ana. Embaze Rûkene wextê nê perwerdeyan de sewtê xo nêkena. Nê wird embazî pîya pêro hîsan ciwîyenê, pîya musenê. Ê pîya ziwanê koyan musenê. Ê rindîya xoza, koyan, Rayberîye vînenê.

Ê wextan de zî wird embazê ma xoverdayîşê Girê Sor û Werxelê bênefes teqîb kenê.

Wird embazanê ma yê qehreman û rindan seba azadîya Kurdîstanî, pawitişê Kurdîstanî, vera hêrişanê kîmyewîyan, vera qirkerdişê zîndanan bi terzê profesyonelî, bi taktîkanê zengînan û teknîkî nişka ra vera dişmenî çalakîye xo kerde. Înan şewêke nişka ra da piro û dişmen şoq kerd.

Nê wird embazê ma pê keda şehîdanê ma yê rindan û ezîzan, keda Rayber Apoyî û Kurdîstanî homaya eşqî Îştarî ra resayî Zîlane. Zîlane kulturê homatîye vetbî werte. Embaze Sara û Rûkene vat 'cinîye, cuye, azadîye' û bi nê hawayî mîyanê mergî de cuye aferna, bîyê ardişê cuya azade, bîyê berardoxê terzê bêmergîye û homayê ma yê azadî.

Vîrameyîşê înan tim do bibê sozê ma yê serfîrazîye...''