HPGyî nasnameyê 2 şehîdanê Xarpêtî eşkera kerdî

HPGyî nasnameyê 2 gerîlayanê ke 9ê hezîrane de Xarpêt de şehîd bibî eşkera kerdî û vat: ''Heta ke ma têkoşînê şehîdanê xo yê çêran ser bivisnê ma do dewam bikerê.''

Merkezê Îrtîbatî û Çapemenîye yê HPGyî derheqê 2 gerîlayan de ke şehîd biYî eşkerayîye daye. Eşkerayîya HPGyî wina ya:

''Ma eşkerayîya xo ya 23ê hezîrane de dabi eşnawitene ke 8ê hezîrane de artêşa TCyî ya îşxalkere qezaya Aricakî ya Xarpêtî de operasyonêk da destpêkerdene û 9ê hezîrane de mabênê hêzanê ma û îşxalkeran de şerêko giran qewimîya. Netîceya nê şerî de embazê ma Devran û Firaz şehîd bîyî. Zanayîşê derheqê nasnameyanê embazanê ma de wina yê:

Nameyê Qodî: Devran Devrîm

Name û Peyname: Salih Ekîncî

Cayê Bîyayîşî: Riha

Maye-Pî: Hindo – Seydo

Tarîx û Cayê Şehadetî: 9ê Hezîrana 2020î /Xarpêt

 

Nameyê Qodî: Firaz Amed

Name û Peyname: Îzzet Yîgît

Cayê Bîyayîşî: Amed

Maye-Pî: Servet – Omer

Tarîx û Cayê Şehadetî: 9ê Hezîrana 2020î / Xarpêt

 

Embazê ma Devran serra 1990î de qezaya Wêranşerî ya Riha de dadîya xo ra bîyo û serra 2009î de tewrê têkoşînî bi. Embaz Devranî bi kede û fedakarî pêro wezîfeyê milîtanîya Apoyî ardî ca, bi serran Amed de têkoşîn kerd, cepheyê xoverdayîşî de rolê fermandarîye kay kerd û bi sembolê çêrî yê Amedî. Ma do tim ked û fedakarîya embaz Devranî ra îlham bigêrê.

Embazê ma Fîraz serra 1988î de Amed de dadîya xo ra bîyo û serra 2011î de reyna Amedî ra tewrê gerîlayan bi. Embaz Fîrazî mewzîyanê xoverdayîşî de bi wayîrê rolêkê girîngî. Tim bi mesuldarî û serfîrazî wezîfeyê xo ardî ca û zerrîya embazan de cayê xo viraşt. Embazê ma Firaz bi qerardarî, xoverdayoxî û cuya xo bi mîsalê milîtanîya Rayber Apoyî.

Ma sere de keyeyanê embazanê ma yê şehîdan rê pêro şarê Kurdîstanî yê welatperwerî rê serweşîye wazenê. Ma soz danê ke heta ke ma têkoşînê şehîdanê xo yê çêran ser bivisnê ma do dewam bikerê.''