ILPS 'Menga Paştdayîşê Globalî yê bi Kurdîstanî' organîze keno

ILPSo ke pêro dinya de xeylêk têgêrayîşê antî-emperyalîst û demokratîkî tede cagênê, menga teşrîna peyêne de Filîpînan de bi nameyê 'Menga Paştdayîşê Globalî yê bi Kurdîstanî' xeylêk çalakî û aktîvîteyan do bikero.

Yewîya Têkoşînê Mîyanneteweyî ya Şaran (ILPS) bi eşkerayîyêke pare kerd ke ê do bi şîarê 'Tecrîd, faşîzm, îşxalî rê bes o! Ocalanî rê azadîye! Kurdîstanî rê azadîye!'  xeylêk çalakî û aktîvîteyan bikerê.

'Menga Paştdayîşê Globalî yê bi Kurdîstanî' 1ê teşrîna peyêne de do dest pêbikera. Çarçewa plansazîye de derheqê tecrîdkerdişê Rayberê Şarê Kurdî Abdullah Ocalanî, îşxalê Rojawanî û Têgêrayîşê Cinîyan ê Kurdan de semînerê onlineyî bêrê dayene. ILPSyî venga her kesî da ke tewrê çalakîyan bibo.

ILPSyî eşkera kerd ke ê do seba azadîya Rayberê Şarê Kurdî Abdullah Ocalanî îmzayan kom bikerê, nê îmzayan bierşawê dezgehan, seba paştdayîşê Kurdîstanî mesajanê bi vîdeoyan bigêrê.

ILPSyî eşkerayîya xo de waşt ke Abdullah Ocalan wa cade bêro azadkerdene û îşxalê Rojawanî bêro qedînayene.