Komeleya Rosa: Bêmoralbîyayîş kerd endamîya rêxistine

Komeleya Cinîyan a Rosa derheqê teda û tepiştişê polîsan de qisey kerd û îfade kerd ke pêro xebatê înan goreyê nîzamnameyê înan ê. Eşkerayîya komele de ame vatene ke polîsan 'bêmoralbîyayîş' sey endamîya rêxistine hesibna.

Komeleya Cinîyan A Rosa derheqê operasyonê 223e gulane de vizêr eşkerayîyêke daye. Nê operasyonî de xeylêk endamê komele ameybî tepiştene.

Endamê Têgêrayîşê Cinîyan ê Azadan (TJA), Wekîla HDPyî ya Amedî Dêrsime Dag, endamê OHDyî û xeylêk cinîyî tewrê eşkerayîye bîyî. Endama Heyetê Rayberdişî yê Komeleya Cinîyan a Rosa avûkate Gozde Engîn zî bale ante sûcanê vera 12 kesan ser. Gozde Engîn da zanayene ke nê çalakîyê ke sey 'sûc' hesibîyayî pêro pê destûrê walîyî ameyî kerdene û goreyê prosedurê qanûnî yê.

Gozde Engîn vat: ''Ma destpêkî ra nata raporanê xo yê çalakîyan eşkera kenê. Wexto ke komeleya ma abîye 160 cinîyan muracatê ma kerd, wextê pandemîye de zî 44 cinîyan muracatê ma kerd.'' Gozde Engîn vist vîrî ke qiseykerdişê telefonî zî sey sûc hesibîya û vat: ''Qeydêkê telefonî de embazêka ma vana 'Moralê mi çin o, wexto ke şîyar bena medya de rastê xeberanê şerî yena.' Nê vatişî ra nika sereka ma yena hukmkerdene.''

Gozde Engîn bale ante ser ke pê nê operasyonan wazenê vengê kurdan bibirnê û vat: ''Ma peyê çalakîyanê xo de yê. Heta bika se kerd ma do naye ra pey zî nînan bikerê.''