QSD: Ma 9 personelê xo xelisnayî, operasyon dewam keno

Merkezê Îrtîbatî yê QSDyî 9 personelê ke DAÎŞî Zîndanê Sinaa yê Hesekê de rehîn girewtbî xelisnayî û berdî herêmanê asayîyan.

Merkezê Îrtîbatî yê QSDyî  bi eşkerayîyêke da zanayene ke operasyonê Zîndanê Sinaa, Dêra Zorê û Reqa dewam kenê.

Eşkerayîye wina ya:

''Vizêr şan hêzanê ma 9 karmendê Zîndanê Sinaa destê DAÎŞî ra xelisnayî û berdî cayêkê asayî.

Taxa Zihûrî de operasyonê cigêrayîşî yê hêzanê ma vera terorîstanê DAÎŞî dewam kenê ke xo keyeyanê sivîlan de nimnenê. Netîce de 5 terorîstî ameyî kiştene.

Taxa Xiwêranî ya rojhelatî de hêzanê ma operasyonêkê sereştişî kerd, netîce de şer qewimîya û 9 cergî ameyî kiştene.

Hetê Xabûrî yê Hesekê de hêzanê ma vera cerganê ke plan kerdêne ke hetkarê cerganê tepişteyan bikerê operasyonê pakîkerdişî kerd. Netîce de 3 cergî kişîyayî.

Hêzê ma bi baldarî operasyonanê asayîşî û leşkerî rê dewam kenê.''