Rayraşîyayîşo Derg: Ciwanî tim fedaîyê Rayber Apoyî yê

Çalakwanê Rayraşîyayîşê Dergî yo ke semedê azadîya Rayberê Şarê Kurdî Abdullah Ocalanî Heilbronn de dîya destpêkerdene, vizêr resayî Boblingenî.

Ciwananê kurdan semedê azadîya Rayberê Şarê Kurdî Abdullah Ocalanî bajarê Heilbironnî yê Almanya de Rayraşîyayîşo Dergo dabi destpêkerdene. Ciwanî vizêr bajarê Stuttgartî ra ver bi Boblingenî rayra şîyî.

Ciwanê ke Stuttgartî bi slogananê  “Bijî Serok APO”, “Jin Jiyan Azadî”, “Bê Serok Jiyan Nabe” heta Boblingenî şîyî, tîya mîtîngêk viraşt û bale ante Komployê 15ê Sibate û tecrîdê Îramliyî ser.

Ciwanan semedê erdlerzî serweşîye waşte û veng da şarê kurdî yê Ewropa ke wa mexdûranê erdlerzî rê hetkarî bikerê.

Ciwanî dima ra tewrê aktîvîteya yadkerdişî ya seba gerîlaya YJA Starî Sara Dorşîn (Sarah Handelmann) ya ke 2019 de Herêmanê Pawitişî yê Medya de şehîd bîye. Ciwanan ard ziwan ke ê do semedê azadîya Abdullah Ocalanî xeta şehîdan de rayra şirê û vat ciwanî tim fedaîyê Apoyî yê.

Roja çarine (ewro)  ya rayraşîyîşî de ciwanî do Reutlingenî ra ver bi Holzmartî şirê. Ciwanî do roja pancine de Offenburg û roja şeşine de Freiburg de rayra şirê û roja hewtine de Strasbourgî de bi enternasyonalîstan bêrê têhet û tewrê rayraşîyayîşê girsekî yê bibê.