Swîsre: Kampanyaya 100 hezar îmzayan dewam kena

Kampanyaya '100 Sebeb û 100 Îmzayê Seba Muhakemekerdişê Dîktatorî' ya TJK-E Swîsre de bi hawayêkê serkewteyî dewam kena.

Hemsereka Merkezê Komelê Demokratîkî yê Kurdan (NCDK) ê Baselî û aktîvîsta Meclîsê Cinîyan ê Ronahî Lava Alabora îfade kerd ke se ra 80ê îmzayê ke înan heta nika arê dayê, swîsreyîjan dayî û ard ziwan ke kampanyaya înan Basel de heta 8ê Adare do dewam bikera.

Lava ard ziwan ke ê 25ê teşrîna peyêne ra nata bi hawayêkê xurtî kampanyaya xo anê ca û nika ra resayî armancanê xo.

Lava da zanayene ke aktîvîstê înan bi sebr û fedakarî seba muhakemekerdişê Erdoganî îmzayan arê danê û vat: ''Seba teşhîrkerdişê Erdoganî ma hema hema Basel de resayî armancê xo. Ma do heta 8ê Adare bi hawayêkê qerardarî Basel de kampanyaya xo ya îmzayan bîyarê ca.''