Rêxistina Partîya Demokratîke ya Şaran (HDP) ya Adana operasyonê qirkerdişî yê sîyasîyî yê yo ke vizêr vera partîya înan ame kerdene protesto kerd.

Eşkerayî dekewtişê banê partî de binê versîya mertalanê polîsan de ameyekerdene. Parlamentera HDPyî ya Adana Tulaye Hatimogullari ya ke eşkerayî de qisey kerd vat: ''Ciwanî ke ameyî destbendkerdene raştê îşkenceyê polîsan ameyî. Hukmat binê nameyê têkoşînê vera terorî de şarê xo rê dişmenîye keno. Rixmê anye muxalefeto komelkî peyser game nêerzeno û girdêr beno. Şar sey teror yeno namekerdene. Ganî ciwanî cade bêrê veradayene.''

Hetê bînî ra Endamê Meclîsê Ciwanîye yê HDPyî yê Adana Ferhat Sezgîn zî sereştişê keyeyê ci de ame destbedkerdene û hûmara destbendkerdişan bîye 13.