Amed de hûmara kesanê ke semedê vîrusê Korona ra nêweşxaneyan de yenê weşkerdene zêdîyena. Ame zanayene ke şaristan de 140 kesê ke testê Korona yê 59ê înan pozîtîf vejîya nêweşxaneyan de yenê weşkerdene. Serrê nê kesan mabênê 16 û 91 de yê. 38 nêweşî zî taburcu bîyî ke înan ra 2 kesan de vîrusê Korona tesbît bibi.

Ame îfadekerdene ke Nêweşxaneyê Cigêrayîşî û Perwerdeyî yê Gazî Yaşargîlî de roja şemeyî ra nata hûmara testan zêdîyaye ke bi heman hewayî hûmara nêweşan zî zêdîyaye.  

Farqîn de zî cinîyêka diganîye de vîrusê Korona ame tesbîtkerdene. Cinîya digane gêrîyaye binê karantîna. Şaristan de hema zî kêmasîya ekîpmananê weşîye dewam kena. Ame zanayene ke kedkaranê weşîye rê rojêke de têna yew kinco pawitox dîyayeno ke  8 saetan ra dima tesîrê pawitişê nê kincî qedîyena.

Amed de heta nika 5 kesî vîrusê Korona ra merdî.