Amed: Vera cinîyêke tecawuz, îşkence, gef

Qezaya Rêzanî ya Amedî de camêrdê bi nameyê Hasan Mensur G.yî tecawuzê Z.G. kerd û dima zî Z.G. û keyeyê aye rê gef wend ke o do înan bikişo.

Qezaya Rêzanî ya Amedî de camêrdê bi nameyê Hasan Mensur G.yî bi mengan cinîya xo ya digane Z.G. ser o ber qefilna û ci rê îşkence kerd.  Wexto ke Z.G. hema lohusa bîye Hasan Mensur G.yî ci rê tecawuz kerd. Z.G. mengêke verê cû bîye nêweş û nêweşxane de eşkera bi ke Z.G. bîye 30 kîlo û tede nêweşîyê zaturre û tuberkuloz vejîyayî. 

Dima Hasan Mensur G. ame destbendkerdene la reyna ame veradayene. Z.G. dewaya cîyabîyayîşî akerde.

Goreyê zanayîşanê ke cîranan ra ameyî girewtene Hasan Mensur G.yî û keyeyê ey tim Z.G. rê şîdet kerdêne, nêeşkîyayêne şit bida dergûşê xo. Cîranan da zanayene ke Z.G. birînanê şîdetî ra nêeşkîyayêne ronişa. Cîranan îfade kerd ke Hasan Mensur G. û keyeyê ci Z.G. rê gef wendêne ke keyeyê xo ra qala şîdetî nêkera.