Koflere: Tayînê qeyûman bi armancê sîyasî yenê kerdene
Komsera Heqanê Merdiman a Hukmatê Federalî yê Almanya Barbele Kofler polîtîkaya qeyûmî û destbendkerdişî rexne kerdî û ard ziwan ke polîtîkaya qeyûmî bi 'armancanê sîyasîyan' yena kerdene.
Komsera Heqanê Merdiman a Hukmatê Federalî yê Almanya Barbele Kofler polîtîkaya qeyûmî û destbendkerdişî rexne kerdî û ard ziwan ke polîtîkaya qeyûmî bi 'armancanê sîyasîyan' yena kerdene.
Komsera Heqanê Merdiman a Hukmatê Federalî yê Almanya Barbele Kofler derheqê destsernayîşanê şaredarîyan û destbendkerdişanê hemşaredaran de eşkerayîyêke weşanaye.
Barbele Kofler eşkerayîye de vat: ''Tirkîya de 8 hemşaredarî wezîfe ra ameyî girewtene ke na rewşe mi zaf qerqilnena. Verê cû dewayanê heman de Komîsera Heqanê Merdiman a Konseya Ewropa Dunja Mijatoviz zî bi delîlan eşkera kerd bi ke peyê nê wezîfe ra girewtişan de armancê sîyasîyî estê. La ganî hukmkerdiş qet sey hacetê armancan ê sîyasîyan nêro xebitnayene.''
Koflere venga Tirkîya da ke goreyê berpirsîyarîyanê xo yê mîyanneteweyîyan û qaîdeyanê heqanê merdinan têbigêra. Koflere menga teşrîna peyêne de Bundestag de Hemşaredarê Êlihî Mehmet Demîrî reyde qisey kerdbi. Bärbele Koflere no qiseykerdiş vist vîrî û vat: ''Çarçewa nê qiseykerdişî de ez venga Tirkîya dana ke wa dezgehê cinîyan meqefilna û projeyê paştdayîşê cinîyan asteng nêkera.''
Koflere ard ziwan ke 'sûcdarîya hetkarîya terorî' seba destsernayîşanê şaredarîyan sey bahane ameye xebitnayene.