Bîlançoya şerî ya 2020î: 1005 leşkerê tirkî ameyî kiştene

Fermandarîya Qerargehê Merkezê Pawitişê Şarî bîlançoya şerî ya 2020î eşkera kerde. Çalakîyanê gerîlayan de 9ê înan payeberzî 1005 leşkerê tirkî yê îşxalkerî ameyî kiştene.

Fermandarîya Qerargehê Merkezê Pawitişê Şarî bi eşkerayîyêka nuştekîye bîlançoya şerî ya 2020î eşkera kerde.

Eşkerayîye de nê ameyî vatene:

''Ma serra 2020î xo dima verdaye ke  tarîxî xovedayîşê şarê Kurdîstanî de cayê ci yo muhîm esto. Na serre semedê Mucadeleyê Azadîye yê Kurdîstanî û şarê ma sey serrêka xoverdayîşî ravêrte. Dewleta tirka ke 2019î de derbê pîlî werdî û peyser şîyî serra 2020î de reyna îdîa kerd ke ê do mucadeleyê ma biqedînê. Na çerçewe de bi heme hêzê xo heme leteyanê Kurdîstanî de konseptê şerê leyminî xorî kerd la Gerîlayê Azadîye yê Kurdîstanî yo ke wayîrê tecrubeyê 36 serran o reyna verê înan girewt. Gerîlayê seserra 21. ê modernî yê HPG û YJA Starî rixmê heme teknîkê dişmenî hêrişê înan pûç vetî û reyna ramojna ke Kurdîstan de kolonyalîstîye vera mucadeleyê azadîye de vînîkerdişî rê mehkum a.  Kolonyalîstîya tirke ewro her hetî ra krîz de ya. Bêşik  sebebê naye xoverdayîşê Mucadeleyê Azadîye yê Kurdîstanî yo.

2020 Vakûrê Kurdîstanî de xoverdayîşo tarîxî ame dayene

Vakûrê Kurdîstanî de gerîlayê ke tradîsyonê xoverdayîşê PKKyî temsîl kenê  ramojna ke dişmen senî yeno betalkerdene. Bi vindertişê qehremanî ke serkêşîya Egîd Civyanan, Yilmaz Dersimîyan, Amara Ronahîyan, Sema Koçeran, Serhildanan û Yildizan de ame averşîyayene  2020 de Vakûrê Kurdîstanî de xoverdayîşêko tarîxî ame dayene. Bitaybetî ver bi peynîya serre de mabênê 3-27ê teşrîna verêne de Glîdaxo ke warê xoverdayîşê Nurî Paşayan o vera operasyonê îmhakerdişê gerîlayan o ke 24 rojî kerdî kerd, hêzanê ma derbê pîlî dayê dişmenî ro û înan ser ra çeke wedarit. Nê operasyonî ra gerîlayî weş war vejîyayî. No yew nimûneyo ke performansê gerîlayan ramojneno. La dewleta tirke bi hêzê medya ke destê ci de yo nînan rayapêroyî ra nimnena û şarî xapînena. Rejîmê AKP-MHPyî pê tewrbîyayîşê bi hezaran leşkeran bi desan operasyonê erdî û bi seyan hêrişê hewayî kerdî la netîceya ke waşt nêfîna dest.

Vakûrê Kudîstanî de vera hêzanê ma 92 operasyonî, 329 hêrişê hewayî û 23 eştişê topan ameyî kerdene.Vera înan hêzanêma 82 çalakîyî kerdî. Nêtîceya nê çalakîyan û pêkewtişan de 369 leşkerê dişmenî ameyî cezakerdene. 165 hemrayê ma tewrê kerwanê şehîdan bîyî. Îşxalkeranê ke Vakûrê Kurdîstanî de netîceya ke wazenê dest nêfîna hetê bînî ra hêrişê Herêmanê Pawitişî yê Medya  û herra Başûrê Kudîstanî kerd. Artêşa tirke bitaybeytî Heftanîn û Xakurkê de derbê pîlî werdî. Vindertişo tarîxî yê Kasim Engînan, Leyla Agirîyan, Egîd Garzanan, Bargiranan, Esmeran, Nûcanan û Rusteman ramojna ke îşxalkerî do çirey herra Kudîstanî de ser nêkewê.

Hêrişê hewayî ame betalkerdene

2020 de dişmenî vera Herêmanê Pawitişî yê Medya 30 operasyonê erdî, 1260 hêrişê hewayî û 183 eştişê topan kerdî. Vera nê hêrişan hêzanê ma 315 çalakîyî kerdî. Nê çalakîyan û pêkewtişan de 636 leşkerê dişmenî hetê hêzanê ma ra ameyî cezakerdene. Netîceya hêrişanê dişmenî de 193 hemrayê ma tewrê kerwanê bêmergan bîyî. Çarçewa Cenga Heftanînî de nizdê hewt mengan o ke bi tewirê şerê nizdî vera dişmenî rî bi rî  pê fermandarîya Bargiran û Esmeran destanê xoverdayîşî yenê nuştene. Reyna Xakurkê de pêkewtişan bi mengan dewam kerd. Hezanê pê tewirê xo raştî şero ke bi tewirê hêrişê hewayî yeno kerdene û dewleta tirke paşta xo ci rê gire daya pûç vet. Merkezê Îrtîbatî û Çapemenîye yê HPGyî prosesê şerî bi tewirê raştî rayapêroyî rê dano eşnawitene. Dewleta tirka ka giranîye dana şerê psikolojîkî raştîyan nimnena. Şarê ma wa zûranê dewlete ya mexapîyo.

Gerîlayê Azadîye 2021 de zî do rolê xo kay bikerê

Gerîlayanê ke serra 2020î de perspektîfê xo newekerdişî îspat kerd. Gerîlayanê Azadîye yê Kurdîstanî ke tarîxê mucadeleyê ma de reya verêne wesayîtê hewayî zî şuxulnayî çarçewa felsefeya Apoyî de xo aver benê. Bi nê perspektîfî dewrê ma de gerîlayê ke xo newe kenê do serkewtişan pîlêr bifînê dest.  Hêzê Pawitişê Şarê ke na çarçewe de xo semedê pratîgê 2021î amede kenê do beyraqa azadîye yê şehîdanê qehreman ê 2020î asmênî de bileqnenê. Gerîlayî qerardarê ke Rayber Apo û şarê Kurdîstanî azad bikerê. Qewimîyayîşê roja ma ramojnenê ke serra 2021 do semedê Kurdîstan û şaranê herême serrêka normal nêbo. Gerîlayê Azadîye yê Kurdîstanî prosesê tarîxî yê verê ma de zî do miheqeq rolê xo kay bikerê û waştişê şehîdan û Rayberîye rê bibê cewab.''

Bîlançoya şerî ya serra 2020î wina ya:

Hêrişê dewleta tirke

Operasyonê erdî

122

Hêrişê hewayî

1589

Hêrişê havan, obus ve tankan

206

Çalakîyê gerîlayan ê vera hêrişan û netîceya înan

Çalakîyê gerîlayan

397

Çalakîyê hewayî yê gerîlayan

(Çalakîyê Hêzê Pawitişî yê Hewayî yê Şehîde Delale Amed)

13

Pêkewtişî

63

Çalakîyê ke netîceya înan zelal nêbi

120

Hêzê dişmenî ke ameyî cezakerdene

1005

Payeberzê ke ameyî cezakerdene (1 Serheng, 1 Serwan, 1 Ustegmen, 4 Çavişo pîspor, 2 Berbaz)

9

Hêzê dişmenê ke birîndar bîyî

105

Wesayîtê zirxin ê leşkerî yê ke ameyî îmhakerdene

18

Wesayîtê normal ê leşkerî yê ke ameyî îmhakerdene

3

Makîneyê karî yê ke ameyî îmhakerdene

16

Droneyê ke ameyî wardayene

3

Helîkopterê ke ameyî îmhakerdene

1

Helîkopterê ke ameyî derbkerdene

12

Hemrayê ma yê ke esîr kewtê destê dişmenî

10

Hemrayê ma yê ke şehîd bîyî

358