Çawiso tecawuzker reyna nêame tepiştene

Çawişo pispor Murat Orhano ke tecawuzê Îpeke Er kerdbi û bi sebebê xokiştişê ci, roniştişê dewa de ame waştene ke wa bêro tepiştene.

Çawişê pisporî yê tirkî Musa Orhanî tecawuzê Îpeke Er kerdbî û bibi sebebê xokiştişê ci. Roniştişo 5. yê dewa Mehkemeya Cezaya Girane ya Sêrtî de dest pêkerd.

Keye û avûkatanê Ere reyde, wekîlê HDPyî Semra Guzel û Nurane Îmîr, serekê xeylêk baroyan, Komeleya Huqûqnasanê Seba Azadîye (OHD), Komeleya Heqanê Merdiman (ÎHD) û Komeleya Cinîyan a Rosa tewrê roniştişî bîyî.

Destûr nêdîya ke endamê Têgêrayîşê Ciwanan ê Azadan (TJA) û Meclîsê Cinîyan ê HDPyî tewrê roniştişî bibê. Tecawuzker Musa Orhan bi rayîrê SEGBÎSî tewrê roniştişî bi. Heyetê mehkeme waşt ke Orhan wa bêro tepiştene. Avûkatan zî waşt ke tecawuzker bêro tepiştene û cezakerdene. Mehkeme cezaya 10 serran daye Orhanî û qerarê bêtepiştiş muhakemekerdişê ci da.