Ewropa de çalakîyê ''Wext Wextê Azadîye yo''

Almanya, Fransa û Swîsre de  bi çalakîyan paştî dîyaye Hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya KCKyî. Çalakîyan de azadîya Ocalanî ameye waştene û hêrişê îşxalî yê vera Kurdîstanî ameyî şermezarkerdene.

Xeylêk bajranê Almanya, Fransa û Swîsre de çarçewa Hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya KCKyî ameyî kerdene.

Paytextê Fransa Parîs de aktîvîstanê Têgêrayîşê Ciwananê Şorişgêran û Cinîyan ê Ciwanan ê Têkoşêran çalakîyêke organîze kerde. Çalakî de hemle ameye selamkerdene û vera tecrîd û hêrişê îşxalî mesajê xurtkerdişê têkoşînî dîya.

Bajarê Kielî yê Almanya de zî çarçewa Hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya KCKyî de çalakîyêke ameye kerdene û azadîya Ocalanî ameye waştene.

Hildesheim de zî semedê wayîrvejîyayîşê hemle kurdîstanijî û dostê înan kuçeyan de bî. Çalakî de tecrîdê serê Rayberê Şarê Kurdî Abdullah Ocalanî û hêrişê îşxalî yê dewleta tirke yê Kurdîstanî ameyî şermezarkerdene.

Kurdîstanijî û dostê înan bi pankarta 'Ma pîya vera tecrîd, faşîzm, îşxal, kapîtalîzm û cîyakerîya vera cinîyan sere wedarê'' rayîrî ra şîyî. Rayraşîyayîş de bi sloganan azadîya Rayberê Şarê Kurdî Abdullah Ocalanî ameye waştene û derheqê îşxalanê dewleta tirke de vilawelî ameyî vilakerdene.Dima rayraşîyayîş vurîya nawnayîş. Qiseykerdişan ra dima nawnayîş qedîya.