Gîvara: PKK şansêko pîl o

Gerîlayê Rojhelatê Kurdîstanî Partîzan Gîvarayî da zanayene ke PKKyî vîrê komelî yê şarê kurdî yo û PKKyî artêşêka winasêne afernaye ke seba şarê kurdî şansêko pîl o.

Partîzan Gîvara serra 1991î de şaristanê Sine yê Rojhelatê Kurdîstanî de dadîya xo ra beno. Gerîlayê HPGyî Gîvara ano ziwan ke nê prosesê tarîxîyî de ganî pêro ciwanê kurdî pê berpirsîyarîye têbigêrê.

Partîzan Gîvarayî ANFyî reyde qisey kerd û vat: ''Domanîya xo de mi xeyal kerdêne ke tewra gerîlayan biba. Mi xeyalê xo ard ca. Merdimî wexto ke Rayber Apo û PKK nas kenê bihêz benê. Seba pêro kurdan nê prosesî de cagirewtiş berpirsîyarîyêka tarîxî û wijdanî ya. Embazîya PKKyî de ganî merdimî biciwîyê û bidê ciwîyayene. Ferasetêko winasên esto ke her kes yewbînan fam keno û eke hewce bibo xo feda keno. Embazîya ma esasê durustî ser o ya.

Rayber Apoyî vîrêko komelkî, artêşêka şerkere dîyarîya şarê kurdî kerde ke no şansêkê pîl o. Beno ke hêrişî giranêr bibê labelê nameyê HPGyî ser o ma soz da ke se beno wa bibo ma do welat û şarê xo bipawê. Ê do nêeşkê raştîya PKKyî werte ra wedarê. ''

Gerîla Partîzan Gîvarayî venga ciwananê kurdan da û vat: ''Kurdê ke dest nîya heqê înan ser, bi taybetî ciwanî seba prosesî destê ci ra çi bêro ganî bikerê. Ma qet wina nêzdîyê azadîya xo nêbîyî. Oyo ke ma ra yeno waştene no yo ke ma têkoşîn pîl bikerê û tewrê gerîlayan bibê.''