HPG: Wa şarê ma vera qewimîyayîşanê peyênan hîsgêr bo

HPGyî bale ante sewqîyatê leşkerî yê PDKyî yê vera waranê gerîlayan ser û vat: Tewirê winayênî tehlukeyanê pîlan xo ya anê.

Merkezê Îrtîbtî û Çapemenîye yê HPGyî de derheqê sewqîyatê leşkerî yê PDKyî yê vera waranê gerîleyan de eşkerayîye daye û nê vatî:

''Nê rojanê peyênan de medya de yeno vatene ke PDK hêzanê xo sewqê baregehanê gerîlayanê ê Başûrê Kurdîstanî keno. Yeno vînayene ke no têgêrayîş bitaybetî vera herêma Garê ke nizdê Akrê û qezaya Amedîye de ya yeno kerdene.

Nê hêzê ke qala înan yena kerdene 25ê teşrîna verên a 2020î  waşt bikewê waranê gerîlayan ê herêma Garê yê ke eynî wextî de sînorê Akrê yo. Hêzanê ma yê herême hêzê PDKyî hîşyar kerdî ke waranê înan ra nizdî mebê. Eynî roje saete 22:30 de teyarayanê şerî herême bombarduman kerde.

Bitaybetî şarê herême wa heme şarê Başûrê Kurdîstanî, şarê ma yo welatperwer û rayapêroyî bizano ke Tewirê winayênî yê vera waranê gerîlayan tehlukeyanê pîlan xo ya anê. Coka ganî nê hêzî xîretkerdişê dekewtişê waranê ma caverdî û şarê ma zî vera naye hîsgêr têbigero.''