Konseya Ewropa waşt ke Demîrtaş wa vera bidîyo

Komîteya Wezîran a Konseya Ewropa waşt ke Selahattîn Demîrtaş wa cade bêro veradayene. Komîte vizêr zî seba ke bira ci ya serê Kavalayî nêameye caardene derheqê Tirkîya de prosesê binpaykerdişî dabi destpêkerdene.

Komîteya Wezîran a Konseya Ewropa kombîyayîşanê xo yê 29ê teşrîna peyêne-2ê kanûne de binpaykerdişê Tirkîya kerdî rojdemê xo. Kombîyayîşê 1ê kanûne de rewşa Îmraliyî zî ameye ercnayene.

Komîte seba ke Tirkîya bira ci ya serê veradayîşê Osman Kavalayî nêarde ca derheqê Tirkîya de prosesê ''prosesê binpaykerdişî'' da destpêkerdene. Komîte seba ke fikranê xo pêşkêş bikera heta 19ê çeleyî wext da dewleta tirke.

Komîte waşt ke Hemsereko verên ê HDPyî Selahattîn Demîrtaş zî wa cade bêro veradayene.

Avûkatanê Demîrtaşî ra Benan Moluyî hesabê xo yê twitterî de vat: ''Komîteya Wezîran derheqê Demîrtaşî de bira mabêne daye û waşt ke Mehkemeya Qanûnê Bingeyî cade çarçewa bira Mehkemeya Ewropa de muracatan ser o bire bida, vera tepiştişanê keyfîran tedbîran bigêra.''