Licê de tewr tay 35 kesî ameyî destbendkerdene

Qezaya Licê ya Amedî de polîsan eşt xeylêk keyeyan ser, tewr tay 35 kesî ameyî destbendkerdene.

Operasyonê dewleta tirke yo ke dewanê Dêrxust, Huseynîg, Cinezûr û Mişirfî yê qezaya Licê ya Amedî de 9ê çeleyî de amebi destpêkerdene, dewam keno.

 Netîceya zext û hêrişan de 8 kesê ke sereştişê keyeyan de ameybî destbendkerdene  bi îdîaya 'endamîya rêxistine' ameybî tepiştene.

Ewro reyna dewanê Dêrxust, Xezmaz û Sîse de xeylêk keyeyî ameyî sereştene. Operasyonê qirkerdişê sîyasîyî de tewr tay 35 kesî ameyî destbendkerdene. Kesê ke ameyî destbendkerdene bi wesayîtanê zirxinan û sîvîlan ameyî berdene Qereqolê Leşkeran ê Qeza.