Komîteya Rayberdişî ya PKKyî semedê wayîrvejîyayîşê Hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya KCKyî. Ya ke 12ê êlule de ameye destpêkerdene veng da.

Eşkerayîye de nê ameyî vatene:

''Konseya Rayberdişî ya KCKyî da zanayene ke înan hemleyêka newî daya destpêkerdene. Na hemle çar perçeyê Kurdîstanî û her hetê dinya de ameye wayrîvejîyayene. Sere de cinî û ciwanî, kedkar,karker, roşnvîr û hunermendî heme hêzê welatperwer û demokratîkî vejîyayî kuçeyan û vera tecrîd, îşxal û faşîzmî waştişê azadîye û demokrasî ardî ziwan. Gerîlayanê Azadîye yê Kurdîstanî zî da pêhesnayene ke ê do hemleya xoverdayîşî rê serkeşîye bikerê. Na çarçewe de êyê ke vera tecrîdê serê Rayber Apoyî û hêrişê îşxalî yê AKP-MHPyî tewrê Hemleya 'Tecrîd, Faşîzm, Îşxalî rê Bes o, Wext Wextê Azadîye yo' benê û paştî danê ci ma înan selam kenê û serkewtiş wazenê. Ma şehîdanê qehremanan ê têkoşînê bimbarekî zî bi hurmet û minet yad kenê û veng danê ke wa heme hetê azadîye û demokrasî pêt tewrê hemle bîbê.

Seke yeno zanayene îqîtdaro faşîst sereyê heme şaran û îtîqatan rê bîyo bela. Tirkîya û teberê ci de hêzo ke tehdît nêkerdo û hêrişê ci nêkerdo nêmend. Xora şarê Tirkîya, kedkar û karkeran ser o zexto tewr xorî yeno kerdene. Reyna vera cinîyan taciz, tecawuz û qirkerdişê camêrdê serdestî zedîyenê. Îqtîdaro ke Vakurê Kurdîstanî de hêrişê vera şarî de sînor nasnêkeno xîret keno ke Rojawan û Başûrê Kurdîstanî zî îşxal bikero. Senî ke nimûneyanê Lîbya û Sûrîye de yeno vînayene vera herra ereban zî hesabê îşxalî keno. Dîktatorîya faşsîte ya AKP-MHPyî ke Rojhelatê Mîyanênî de paştgêrîya çeteyan kena û bi nê hawayî heme dinya tehdît kena.

Hemleya KCKyî semedê rijnayîşê na dîktatorîye ya. Na hemle semedê xelisnayîşê bindestan a coka hemleya her kesî ya. Rijnayîşê dîktatorîye û destfînayîşê heme azadîyan hedefê hemle yo. Wezîfeyo esas ê heme kadro û sempatîzananê PKKyî no yo. Şarê ma ganî bi ruhê seferberîye na hemle biresno serkewtişî. Xora  gerîlayê ma yê qehremenî çarçewa Hemleya Cengê Heftanînî de derbanê giranan danê înan ro. Bi têkoşînê hemparî yê şaran  do dîktatorîya faşîste birijîyo û şarê bindestî bixelisîyê.

Ti zî tewrê hemleya xoverdayîş û azadîye bibe! Ti zî vera faşîzmî têkoşîn bikerê û azadîye  bifîne dest!''