Programê 8ê Adare yê Dêrsimî ame eşkerakerdene

Platformê Cinîyan ê Dêrsimî bi eşkerayîyêke programê xo yê 8ê Adare eşkera kerd. Cinîyan vat ma şexsê Gulîstane Doku de roja cinîyan de gêrênê heme cinîyanê ke vînî bîyî û ameyî vînîkerdene.

Platformê Cinîyan ê Dêrsimî bi eşkerayîyêke programê xo yê 8ê Adare Roja Cinîyan ê Kedkeran ê Dinya eşkera kerd û semedê tewrbîyayîşî veng da.

Eşkerayîya ke banê KESKî de ameye dayene pabesteyê platformî û xeylêk temsîlkarê partîyanê sîyasîyan û dezgehan tewrê ci bîyî. Hemsereka HDPyî ya Dêrsimî Nurşate Yeşîl ke eşkerayîye de qisey vat ma na roje Gulîstane Doku û heme cinîyan ê ke ameyî vînkerdene rê dîyarî kenê. Eşkerayîye de bale ameye antene hêrişê vera cinîyan her tim zêdîyenê û ame vatene ke ê do vera şîdetê camêrd-dewlete çirey çok nêde û xoverdayîşê xo gird bikerê.

Programê 8ê Adere yê cinîyan ê Dêrsimî yo ke do 27ê sibate de Pirdê Dînarî yo ke cigêrayîşê Gulîstane Doku dewam kenê de bêro destpêkerdene wina yo:

27ê sibate: Verê Unîversîte ra saete 12:30 de ver bi Pirdê Dînarî rayraşîyayîş û eşkerayîya çapemenîye.

28ê sibate: PTT ra do saete 11:00 de cinîyan ê tepişteyan rê kartî bêrê şawitene,

5ê adare: Dewan de co cinîyî bêrê zîyaretkerdene, ca Kuçeyê Sanatî, saete 10:00

6ê sibate: Zîyaretkerdişê cinîyan ê xebatkaran, ca Kuçeyê Sanatî,  saete 12:00. Têhetameyîşê Cinîyan  ê Gazîkî, saete 14:39.

7ê adare: Qiseykerdiş, ca Dad. saete 14:00.

8ê adare: Têhetameyîşê Cinîyan, ca Kuçeyê Sanatî, saete 12:00.