Têgêrayîşê Cinîyan ê Azadan (TJA) seba ke Rayberê Şarê Kurdî Abdullah Ocalanî ra di serrî yo xebere nîna girewtene eşkerayîye daye û semedê xurkterdişê têkoşînî veng da.

TJA ard vîrî ke adara 2021yî ra nata Rayberê Şarê Kurdî Abdullah Ocalanî ra qet xeberêke nîna girewtene û vat: ''Pîya bi xorîbîyayîşê tecrîdê Îmraliyî zextê serê komelî zî zêdîyenê. Birêz Ocalan Îmrali ra bi xoverdayîşê xo yê felsefîk û polîtîkî sere de Kurdîstan, Tirkîya û Rojhelatê Mîyanênî de verê têkoşînê azadîye, demokrasî û xelisyayîşê yê şaran, ciwanan û cinîyan akerd. Eşkera yeno vînayene ke tecrîdê serê Birêz Ocalanî û hêrişê vera têkoşînê azadîye û demokrasîyî yê şaran pabesteyê yewbînan ê. Coka ma reyna vanê ke têna bi vervejîyayîşê tecrîdî, têkoşînê azadîye û demokrasîyî eşkeno bêro rayraberdene. Gerek cade tecrîdê serê Birêz Ocalanî bêro wedaritene.

Paradîgmaya komelê 'Demokratîk, Ekolojîjk û Azadîperwer a Cinîyan' a Birêz Ocalanî têna bi azadîya ci ya fîzîkîye yena ciwîyayene. Çunke ma cinîyê kurdan  azadîya xo na paradîgma de vînenê. Rixmê tecrîdê 25 serran û polîtîkayanê leyminan tekîlîya Birêz Ocalanî cinîyan, komel û şarê kurdî reyde nêqerfîyaye. Çunke heqîqet tarî nêbena. Şima nêeşkenê heqîqetî tarî bikerê. Ma reyna vanê, sere de meseleya kurdan muxatabê heme meseleyanê komelkîyan ê esasan Rayberê Şarê Kurdî Abdullah Ocalan o. Ma veng danê heme cinîyan û haştîwazan, dezgehanê mîyanneteweyî ke wa tecîrdê Îraliyî rê vajê 'bes o'  û vera tecrîdî têkoşînî xurt bikerê ke komel bixelisîyo.''