'Wa her kes bizano; ma do rayîr nêdê îşxalî'

Gerîla Lorîne Andok ard ziwan ke dewleta tirke wazena Başûrê Kurdîstanî îşxal bikera û vat ''Dişmenî her roje vanê 'ma qedîna, ma do biqedînê.' Labelê ê do vera xoverdayîşê gerîlayan biqedîyê.''

Gerîlaya YJA-Starî Lorîne Andok hêrişê dewleta tirke, tecrîdê Rayberê Şarê Kurdî Abdullah Ocalanî û xoverdayîşê gerîlyan ercnayî.

Gerîla Lorîne Andok vist vîrî ke şarê kurdî prosesêkê girîngî de yo û vat: ''Pê tecrîdê Rayber Apoyî wazenê têkilîya ey bi şarî bibirnê. Dewleta tirke wazena Başûrê Kurdîstanî îşxal bikera, no planê aye 1990an ra nata werte de yo. Vera naye Heftanîn de gerîlayî bi hawayêkê tarîxîyî xo ver danê.

Gerîlayê YJA-Starî û HPGyî derbanê giranan danê dişmenî ro. Wa her kes bizano ke ma rayîr nêdê îşxalê dewleta tirke. Dewleta tirke do nêeşka Kurdîstan de têbigêra. Heftanîn do bibo goristanê ci.

Tay kesî vanê 'Gerîlayî Başûr de yê coka dewlete hêrişê ci kena.' No raşt nîyo. Dewleta tirke wina propaganda kena. Nika ra xeylêk dewê Başûrî ameyî vengkerdene.  Ganî şarê Başûrî wurzo payan ser.

Dewleta tirke her roje vana 'ma qedîna, ma do biqedînê' labelê ê do vera xoverdayîşê gerîlayan biqedê. Dişmen operasyonan de hêverî notiran erşaweno.  Gerîlayî her roje destann nusenê. Şarê kurdî her ca de xo ver dano. Ez venga ciwananê Başûrê Kurdîstanî dna ke wayîrê erdê xo bivejîyê û vera dewleta tirke nêrazîbîyayîşê xo bimojnê. Ganî şarê kurî bibo yew. Serkewtiş ê kurdan o.''