Waştişê veradayîşî yê Alinakî ame redkerdene

Sîyasetmedarê kurdî Mahmut Alinakê 68 serreyî rîyê Korona ra waşt ke bêro veradayene. Mehkeme bi îdîaya ''gumanê remayîşî'' waştişê Alinakî red kerd.

Sîyasetmedaro kurd Mahmut Alinako ke 68 serre yo 17ê sibate de amebi tepiştene û bi cezaya muebede yeno hukmkerdene rîyê Korona ra muracatê mehkeme kerd ke bêro veradayene la mehkeme bi îdîaya ''gumanê remayîşî'' muracatê ey red kerd. 

 Lajê  Alinakî Avûkat Bîşar Alinako derheqê bira mehkeme de qisey kerd û vat: ''Seba ke babîyê mi grûba rîskê Korona de bi ma muracatê mehkeme kerd la muracatê ma red bi. Hukmat bi gefê zîndanan welat îdare keno. Babîyê mi 10 rey kewt zîndan, tewr nêrema, çira nika biremo? Babîyê mi darbeya 80an de faşîzmê Kenan Evrenî ra, torosê sipîyî yê Agarî ra nêrema. Ê wazenê ke bi tepiştişê şarî her çi bidê vîrkerdene. La şarê kurdî çirey xo vîrî ra nêkeno.''