24 karkerî ameyî tewqîf kerdene

Bi hezaran karkerê ke înşaatê Rasteyê Teyarayan yê 3. yê Stenbolî de xebetîyayênê û seba ke şertanê başêran de bixebetyî fek karî ra veradaybî ra 24 kesî vizêr şewe ameyî tewqîf kerdene.

Bi hezaran karkerê ke înşaatê Rasteyê Teyarayan yê 3. yê Stenbolî de xebetîyayênê, seba ke şertanê hîna başan de bixebetyî, fek karî ra veradaybî. Nê karkeran ra 24 kesî vizêr şewe hetê mehkeme ra ameyî tewqîf kerdene.

Dozgerîya Gazîosmanpaşa, şertanê xiraban yê karkeran sey ‘mehne’ şîrove kerde û grûba bi nameyê ‘Grûba Xoverdayîşî’ ya Whatsappî zî sey delîlî hesibnaye.

Karkerê ameyî tewqîf kerdene, nê yî: Akîf Altinişik, Anil Denîz Gîder, Bîlal Topçu, Bîrkan Topçu, Cîhan Saribûlak, Denîz Aslan, Fatîh Mukan, Ferhat Ûyar, Hasan Çetîn, Îlker Kûrt, Mehmet Celal Demîr, Muhammet Yîgîn, Mûrat Altûntaş, Mûsa Karakûş, Mûstafa Atay, Ozkan Ozkanli, Ramazan Gozel, Ridvan Gonul, Selamî Saribûga, Servet Gozel, Teyîp Kirgin, Ugur Karakaş, Yûnûs Ozgur û Yûsûf Yilmaz.