47 ciwanê ke newe tewrê PKK’yî bîyî: Ma do semedê cuyeyêka azade xover bidê

47 ciwanê ke bajaranê cîya-cîyayan ê Kurdistan û Tirkîya ra tewrê gerîlayî bîyî bi eşkerayîyêk  da zanayene ke ê do vera zîhnîyetê qirkerdoxî yê îqtîdarê faşîstî yê AKP-MHP’yî  semedê cuyeyêka azade xover bidê.

Kurdistan de verî 3 şaredarîyê pîlî hetê îqtîdarî ra ameyî destsernayene û dima ra MÎT û Wezîrîya Karanê Zereyî keyeyê ke domanê înan tewrê PKK’yî bîyî şawitê verê banê HDP’yî yê Amedî. 47 ciwanê ke newe tewrê gerîlayî bîyî bi eşkerayîyêk cawabê nînan da.

47 ciwanê ke bajaranê cîya-cîyayan ê Kurdistan û Tirkîya ra tewrê gerîlayî bîyî Behdînan de eşkerayîya çapemenîye daye û nê pare kerdî: ‘‘Çîyo ke ma tewr peynî de vanê ma tewr vernîye de vanê. Wa her kes naye bizano ke ma  nê vejîyayîşê xo vera îqtîdaro faşîst, zurker, hîlekar, sextekar, tecawuzkar, îşkencekar, qirkerdox, zîhnîyetê ‘Osmanîyan de kayî nêqedîyenê‘ û sîtemî sey ‘ Hemleya ma do semedê cuya azade û raşte gird xover bide‘ name kenê. Çunku ma vera qetilkerdişanê vera xoverdayîşanê  Şêx Saîd, Seyîd Riza, Dêrsim Zîlan, Koçgîrî û Agîrî, vera îşkence û tecrîdê serê Rayberê Şarê Kurdî Abdullah Ocalanî û vera  newrozan de kuçeyan de erdî ra kaşkerdişê doman, ciwan, cinî û pîran hêrsbîyaye yê.

Keyeyan Şuxulnenê Hetêk ra zî Ciwanan Ser o Bombayan Varnenê

Şima sere de yê ke hetê şarê Kurdî ra ameyî weçînetene heme temsîlkarê dezgehanê demokratîkan, heme kesê ke vera zîhnîyetê şima yê qirkerdoxî vejîyenê tepiştîî eştê zîndanan.Tarîx û xozaya Kurdistanî, heywan, ganî bêgan talan kerdî. Şar vêşan verda bi vergîyanê ci teyareyê şerî girewtî Kurdistan ser o bombayan varnenê. Coka ma hêrsbîyaye yê. Zaf hêrsbîyaye yê.

Bi qeyûman şaredarîyê şarî xesp kerdî. Ma vera sîstemê şima hêrsbîyaye yê. Ciwanê bianorê ke nê sucanê şima qebûl nêkenê û vera şima sere wedaranê, seba ke peyser bîyarê hetêk ra şima keyeyan şuxulnenê, hetê bînî ra bi tanq û topan û teyareyan înan ser o bombayan varnenê û medya de bi zuranê girdan şarî xapînenê. Vera bêşarmîya şima, ma hêrsbîyaye yê.

Ma Rayîrê Xoverdayîş û Mucadeleyî Vîjna

Tayî roşnvîr, nuştox, hunermend, akemîsyen û meleyî yê ke kayanê îqtîdarî yê leşinan de yenê şuxulnayene gama ke Roboskî de teyareyanê şerî 34 domanî qetil kerdî, gama ke Şirnex, Cizîre, Silopî, Nisêbîn, Sûr, Farqîn û Licê de doman, cinî, ciwan û pîrî ganî-ganî bi vêşnayîşî ameyêne qetilkerdne, gama ke meyîtê domananê ke hetê dewletî ra ameyî qetilkerdene dolabê cemedî de ameyêne pawetene ça de bî. Qey o wext dejê dayîkan nêdîyêne? La kayo ke hetê îqtîdar û MÎT’î ra ameyo amadekerdene de ca gênê. Vera na bêehlaqîye ma zaf hêrsbîyaye yê.

Demo peyên de keyeyê ke domanê înan tewrê gerîlayî bîyî înan ser keyê leyşin yenê kaykerdene. Bi zext û kayan keyeyan goreyê polîtîkaya xo şuxulnenê. Tayî keyeyî vera înan reaksîyon danê la çi heyf o ke tayî nê kayanî rê xapîyenê. Ma tîya ra sere de keyeyanê xo heme keyeyan ra vanê ke ma vera îqtîdarê faşîstî rayîrê xoverdayîşî vîjna. No semedê ma anorêk û şeref o.  Wa nê keyeyî propagandaya Suleyman Soysuzî yo ke gonîya Kurdan bişimo mird nêbeno rê mexapîyê. Ciwanê ke nê şarî rê anor dayo qezenckerdene û estbîyayîşê nê şarî pawenê wa fam bikerê.  Cunke cuya azade û raşte tîya ya.‘‘

 

Ciwanan badê eşkerayîye nameyê xo rayapêroyîye rê eşkera kerdî.

1) Elîf Alpşene

2) Nûrcan Çelîke

3) Pinar Gezgore

4) Ezgî Çinare

5) Gulay Akinci

6) Berfîn Yaşare

7) Dîlan Ozkiliçe

8) Kader Bîlene

9) Derya Kaçare

10) Şenay Harmanci

11) Mahmût Tosûn

12) Huseyîn Akar

13) Ridvan Olmez

14) Lokman Akar

15) Yûsûf Arslan

16) Delal Arslane

17) Şoreş Kalay

18) Firat Demîr

19) Bawer Akboga

20) Kerem Kararagar

21) Mûrat Ersan

22) Serhat Ersan

23) Sûat Parsak

24) Tûran Yunoglû

25) Mazlûm Yilmaz

26) Sîdar Ozdemîr

27) Kawa Şîmşek

28) Erdal Sozlu

29) Emîn Karabag

30) Ceyhûn Pinar

31) Devran Yaman

32) Ozkan Bûgdayci

33) Salîh Karakûş

34) Mazlûm Akça

35) Bawer Yucel

36) Şoreş Çîftçî

37) Cemal Seçkîn

38) Umît Babat

39) Kamûran Kaymaz

40) Emîn Kosene

41) Bunyamîn Çetînkaya

42) Mahîr Çelebî

43) Erdem Çelîk

44) Suleyman Olmez

45) Şervan Akkoyûn

46) Cîhan Kiran

47) Yaren Dundare