Bajarekê Armavîrî û dewa Aygîşadî ya bajarê Oktomberyanî ê Ermenîstanî de  Kurdan de sey her serre 20'ê Êlule de reyna goristanî zîyaret kerdî.Dewa Armavîre ya Aygîşadî de, Kurdanê Êzidîyanê ke sey her serre 20'ê Êlule Goristananê Çarkatanmartînî zîyaret kerd û  xêrê înan vila kerd. Seba merdimanê xo yê ke  wefat kerd pê Şêx û Pîran 'qewl' da wendene û dima seba înan werd vila kerd.

Endamê Meclîsê Kurdistanî Rustem Hasoyanî derheqê babete de qisey kerd û vat, "Werdo ke ma ewro seba xêrî tîya de vila kenî teyna seba merdimanê ma yê merdeyan nîyo. Ma werdê xêrî seba şarê xo zî bi temamî, bi taybetî seba merdeyanê xo yê ke Şengal, Kobanê û Efrîn de merdê vila kenî û înan yad kenî. Seba nê kesanê ke koyan ra verê xo da Şengalî û dor nêda qirkerdişêko pîlî rê, Şengal DAÎŞ'î ra azad kerd û ser nê cuya xo teslîm kerd, ma seba înan zî vila kenî. DAÎŞ'î Şengal de qirkerdişo pîl kerd, domanî remnayê, sereyê înan pa kerd. Labelê ma goreyê rûmetê xo  yê merdimî nêzdîya 70 hezar DAÎŞ'ijê ke destê ma de bî rê tê gêrayî. No teyna mojneno ke rûmetê merdimî seba ma zaf girîng o.‘‘

Kurdanê Êzidî yê Ermenîstanî de, her dewe, eşîre, keye wayîrê goristanêk o û rojê înan ê zîyaretê goristanî cîya yê. Herêma Elegez de 11 dewanê Kurdê Êzidî 20'ê Gulane de zîyaretê goranê xo kenî. Herêma Oktombreyan, Talîn û Ararat de zî aşmanê peyênan ê payîzî de zîyaretê goristanan yenê kerdene.