Şarê cayî yê Brezîlya Ka'aporî paştdayîş da Kurdan

Bi nameyê şarê cayî yê Brezîlya Ka'aporî peyamêk seba şarê Kurdî ame weşanayene.

Bi nameyê Meclîsê Şarî yê Ka'aporî yê Maranhaoyî peyamêko bidîmen înternetî ser o ame weşanayene û ame vatene, “Şerwananê cinî û camêrdanê Kurdan rê; seba xoserîya demokratîke ma şima reyde yî.”

Peyam de ca dîya nînan: ‘’Kapîtalîzm nêeşkeno verê têkoşînê şaran ê seba pawitişê kulturî de vindero. Ma cuya xo, welatê xo, kulturê xo pawenê.  Ma heme tehdît,  sîstemê kulturê û sîyasî yê emperyalîzmî red kenê. Seba xoserîya demokratîke û îradeyê demokratîkî  yê şaran, xoverdayîşê şima yê girdî  silam kenê.

Şarê Ka'aporî wareyê rezerv ê eyalatê Maranhaoyî de binê kontrolî de ciwîyeno. Şeklê ciwîyayîşê înan bîyo babeta zaf cigêrayoxan.  Wareyêko daristanin de ciwîyenê û cehd kenê nê wareyî  bipawê.