Keyeyê Hunerî yê Laleşî yo ke Amed de faalîyanê xo rayra beno, Roja Govende ya ya 1’ine ya  bi şîarê, ‘‘Ma bi govende û tilîlîyanê xo agêrenê çewherê xo’  viraşte.

Aktîvîte ganî Merkezê Kongre û Kulturî yê Şaredarîya Bajarê Pîlî ya Amedî de biameyêne viraştene la bi sebebo ke şaredarîye hetê îqtîdarî ra ameyî îşxalkerdene baxçeyê Keyeyê Hunerî yê Sûrî de ameye viraştene.

Hemşaredarê Şaredarîya Bajarê Pîlî ya Amedî Selçûk Mizrakli yo ke qeyûm erzîya herinda ci û xeylî parlamenterê HDP’yî tewrê aktîvîteye bîyî.

Dimayê pêramotişê govendanê şarî yê herêman  diwanê denbejan ame ronayene û denbejan herêmanê Botan û Serhadî ra klamî vatî.

Selçûk Mizrakliyo ke qiseykerdişêko kilm kerd vat ma zaf wextanê çetînan ra ravêrtî, na rey zî sey tim ma do bî girdbîyayîşî na tengayî ra bivejîyê.

Aktîvîte bi vilakerdişê plaketan qedîyaye.