Federasyonê Yewîya Elewîyan ê Avusturya   ke serra 1989 î ra xebatanê xo domneno, Wezîrîya Kulturî ya Avusturya ra teblîgatêk girewt. Goreyê naye elewîyan ra yeno waştene ke ê goreyê îslamî têbigêrî.

Teblîqato ke rîyê gerekerdişê Yewîya Elewîyo Îslam ya Avusturya ra  ameyo şawitene tede  yeno vatene ke heme komelê ke Federasyonê Yewîya Elewîyan ê Avusturya ya pabesteyî ya goreyê qeydanê îslamî têgêrenî ya zî   nê Merkezê Kulturî yê Federasyonî de destur nêdîyeno Cem, Semah û aktîvîteyanê se qursê sazî, mare û cenazeyî.

Federasyonê Yewîya Elewîyan ê Avusturya verê Wezîrîya Kulturî ya Avusturya de çalakîya roniştişî viratş û no nêzdîbîyayîşo faşîst pretesto kerd û va: ‘‘Ma elewîyî û do elewî bimano. Kam agêreno wa agêro ma rayîrê xo ra peyser anêgêrenî.‘‘

Eşkerayîya ra dima temsîlkaranê deygehan qisey kerd. Ame vatene ke eke çew kuçeyan caverdo dewlete heqê çewî nêdana. No semed ra seba wayîr heq û îtîqatê xo vejîyayîşî elewî do çalakîyanê xo rê dewam bikerî.