'Cengê Heftanînî bi tersê îşxalkeran'

Gerîlayanê ke mîyanê Cengê Heftanînî de ca gênê vat:''Çalakîyanê ma de zaf leşkerî ameyî kiştene. Cengê Heftanînî prosesêko newe yê serkewtişî xo de ard. Ma do îşxalan çin bikerê."

Gwerîlayanê HPG û YJA-Starî 23ê tebaxa 2019î ra nata Hemleya Şorişgêre yê Cengê Heftanînî de xoverdayîşêkê tarîxîyî kenê. Gerîlayê azadîye her roje vera artêşa îşxalkere ya dewleta tirke û cerganê ci çalakîyan kenê.

Gerîlayêkê HPGyî Gerîla TV reyde qisey kerd û vat: "Ma do dewleta îşxalkere poşman bikerê ke ameye Kurdîstan. Dewleta îşxalkere her ca de hêrişê kurdan kena. Ma sey gerîlayanê azadîye Heftanîn de dişmenan çîn bikerê."

Gerîlayan bale ante têkoşînê koyan ser û vat: "Gerîlayanê azadîya Kurdîstanî wayîrê îradeyêk ê. Dewleta tirke baş bizanê ke Kurdîstan înan rê do bibo goristan. Ma do nêverdê ke dişmanî erdê ma yê fîrazî ser o bimanî. Gerîlayê Heftanînî vera dişmenan bi ruhê Rayber Apoyî şer kenê.   Ma baş zanenê ke dewleta tirke propagandaya xo kena la rastî bi nê hawayî nîya. Çalakîyanê ma de zaf leşkerî ameyî kiştene. Cengê Heftanînî prosesêko newe yê serkewtişî xo de ard. Îşxalkerî zî Cengê Heftanînî ra tersenê. Ma do îşxalan çin bikerê. Ma do serra 2020î de artêşa îşxalkere têna Heftanîn de ney pêro Kurdîstanî de bin bikerê. "