Dêrsim de wextê hesadê lobîyanê wuşkan o

Qezaya  Pulurî ya Dêrsimî  de xeylî keyeyî debarê xo pê ramitişê lobîyanê wuşkan kenê. Dewa Kedekî ya Pulurî de zî cinî û camêrdan pîya hêgayan de dest pê hesadê  lobîyan kerd.

Dersimijê ke  bi citkarîye debarê xo kenê hêgayan de dest bi hesadê lobîyan kerd. Dewijan ard ziwan ke ê seba kooparatîfan nika bi keyfweşîye karê xo kenê.

Lobîyê  wuşkî yê  Pulurî hem wirdî yê, hem tehmê ci weş o, hem zî lez pêşenê ke aye ra lobîyanê bînan ra cîya yê. Dewijê ke lobîyanê Pulurî çînenê vanê; "Cuwa verî tucaran lobîyê ma girewtêne la ge ge pereyê ma nêdayêne." Nika dewijî kopreatîfê ke 5 serrî cuwa verî ameyî sazkerdene ra zaf razî yê ke semedê koperatîfan zorîyê înan wedarîyayê.

Ozlem Sevîma ke dimayê ciwîyayîşî yê Stenbolî de yê bi serran agêrîya welatê xo yê Pulurî û di serrî ra nata eleqadarê ramitişê erd û hêgayan a, nas û dostanê xo reyde Pulur de lobîyan dana arê. Sevîme vana ke "Cuya ver keda ma bîlasebeb bî. Seba ke cayêkê bazarî çinebi, ma tucaran reyde têkilî viraştêne û ma ercayê keda xo nêgirewtêne."

Citkar Orhan Balkî zî vat, dewlete tam nêkewena ser hayîdarkerdişê çitkaran, la koperatîf na babete de zaf xîret kena. Cuwa verî gêncî bêkar bî la nika wazenî ke zîret bikî û pereyan kar bikî.

Zeyneb Olmeze vat, cinîyî seba ramitişê lobîyan  mêrdeyanê xo reyde lej kenî û îfade kerd ke camêrdî na babete de cinîyan ra hîna apey manenê. "Çunke camêrdî nêwazenê lobîyan biramê la cinîyî israr kenî ke ê biramê. Tehmê lobîyan zaf weş o, nîmseate de pêşenê. Cuya verî ma pereyanê ke ma kar kerdêne ra ne çîyêk fam kerdêne ne zî ma ercayê keda xo girewtêne. La nika wina nîyo, ma ramenê, çînenê, weçînenê û roşenê."