Derûdorgirewtiş û ambargoyê PDK'yî roja 66'îne de yo

Şarê Mexmûrî nê 66 rojî yo ke binê derûdorgirewtiş û ambargoyê Asayîşê PDK'yî û îdareyê ey de yo. Hetê bînî ra xoverdayîşê Dayîkanê Haştîye yê Mexmûrî yê verba ambargo û derûdorgirewtişî roja 21'ine de dewam keno.

Dimayê serebûtê 17'ê Temmuza 2019'î yo ke restorantê Hoqqabazî yê Hewlêrî de berpirsîyaranê MÎT'î ra Tirk Osman Kose ame kiştene, bi destê asayîşî yê PDK'yî û îdareyê ey ambargoyêk hemwelatijanê Mexmûrî rê ame dayene û a roje ra nata rayîro ke şino Hewlêr nêweşan, karkeran û sivîlan rê ame padayene.

Herçiqas Meclîsê Şar o Demokratîke û Dezgehê Têkilîyê Karê Teberî yê Kampe zaf xîret zî kerd, cewabêko zelal hetê selahîyetdaranê hukmatî yê Herêma Kurdistanî ra nêame dayene. Hetê bînî ra seba wedaritişê derûdorgirewtiş û ambargoyî, Dayîkê Haştîye verê Kampa Multecîyana  Şehîd Rustem Cûdî de bendê kontrolê PDK'yî yê mabênê Hewlêr û Mexmûrî de çalakîya xo rê dewam kenî. Dayîkê Haştîye yê Mexmûrî şew û rojanê xo uca de vîyarnenê. Heta nika selahîyetdaranê hukmatî yê Herêma Kurdistanî cewabêk nêda dayîkan. Çend astengî zî bibê dayîkî çalakîyanê xo ca nêverdenî. Dayîkanê Haştîye da zanayene ke heta waştişê înan nêro ca ê do çalakîya xo rê dewam bikê. Hêê asayîşî yê bendê kontrolî  destûr nêdanê ke kesêk dayîkan zîyaret biko û dayîkan reyde pêvînayîş biko. Dayîkê Haştîyê ke çend rojan ra nata bendê kontrolî de çalakîya xo kenî zaf reyan pêşmergeyan hêrişê înan kerd û înan rê heqaret kerd.