'Dişmenê Şengalî tersenî'

Endamanê YBŞ û YJŞyî ard ziwan ke ê do têkoşînê embazanê xo yê ke şehîd bîyî dewam bikerê û vat Şengal wayîrê hezêkê azadî û pawitişî yo û no zî dişmenan tersneno.

Fermandaranê YBŞyî  raDijwar Feqîrî vat  girewtişê qesasê embazanê înan ê ke hêrişê dewleta tirke de şehîd bîyî seba Şengalî şert o.

Endamanê YBŞ û YJŞyî embazê xo Zerdeşt Şengalî, şerwanê YBŞyî Şerwan Cîloyo ke birayê ey bi û şerwananê YBŞyî Êzdîn Şengalî û Hemid Şengalî yad kerdî ke dewa Dugîrî ya bajarekê Sinûnî ya Şengalî de hêrişê hewayî yê dewleta tirke de şehîd bîyî. Fermandaranê YBŞyî Dijwar Feqîrî eşkera kerd ke ê rêçê embazanê xo de yê û vat: Sereyê şarê ma weş bibo. Rolê embazanê ma pakîkerdişê DAÎŞî de zêde bîyî. Girewtişê qesasê înan seba Şengalî şert o. Hêzê ke çimanê xo hêrişanê dewleta tirke ra qefilnenê ganî hînî nê tewirê xo ra fek vera bidê.

Fermandaranê YJŞyî ra Hezda Şengalî vat: "Rêxistinbîyayîşê ma yo ke bi gonî û keda şarê ma û embazanê ma yê çêran awan bibi çimanê dişmenanan tersneno hayîya ma pê naye esta. Ma dişmenî ra nêtersenî. Ma do qesasê embazanê xo yê şehîdan bigêrê û têkoşînê înan dewam bikerê."

Fermandaranê YBŞyî ra Kûrtay Şengalîyî vat: "Ma DAÎŞo ke domanê dewleta tirke yo pakî kerd. Dewleta tirke nika qeasê xo gêna. Dişemenê ma nêvajê ke hêrişê înan ma tersneno, qels keno. Ma do qesasê xo bigêrê."